مەملەكەت باسشىسىنىڭ تاپسىرماسىمەن 2024 جىلدىڭ 1 قاڭتارىنان باستاپ ىسكە قوسىلعان «ۇلتتىق قور – بالالارعا» باعدارلاماسى اياسىندا قازاقستاندىق بالالاردىڭ جيناقتارى قالىپتاسىپ جاتىر، دەپ حابارلايدى Aqshamnews.kz ءتىلشىسى.
باعدارلاماعا سايكەس، جىل سايىن ۇلتتىق قوردىڭ ينۆەستيسيالىق كىرىسىنىڭ 50 پايىزى قازاقستان ازاماتتىعىنداعى بارلىق بالالار اراسىندا تەڭدەي بولىنەدى. بۇل قاراجات بالالاردىڭ بجزق-داعى شوتتارىنا نىسانالى تالاپ رەتىندە ەسەپتەلىپ، ينۆەستيسيالانادى.
2025 جىلدىڭ قورىتىندىسى بويىنشا باعدارلاماعا قاتىسۋشى 6 918 656 بالاعا ءارقايسىسىنا 130،71 اقش دوللارى كولەمىندە قارجى اۋدارىلعان. ناتيجەسىندە:
- ءۇشىنشى جىل قاتىسىپ جاتقان بالالاردىڭ جيناعى 370،56 دوللار،
- ەكىنشى جىل قاتىسقانداردىكى 263،93 دوللار،
- ءبىرىنشى جىل قاتىسقانداردىكى 130،71 دوللار بولدى.
باعدارلاما باستالعالى بەرى ۇلتتىق قوردان بالالارعا ەسەپتەلگەن قاراجاتتىڭ جالپى كولەمى شامامەن 2،5 ملرد اقش دوللارىن قۇرادى.
2026 جىلى 356 613 قازاقستاندىق 18 جاسقا تولىپ، جيناقتالعان قاراجاتىن تۇرعىن ءۇي جاعدايىن جاقسارتۋعا، ءبىلىم الۋعا نەمەسە زەينەتاقى جيناعى رەتىندە ساقتاۋعا قۇقىلى بولادى.
بالانىڭ باعدارلاماعا قاتىسۋى تۋرالى اقپاراتتى اتا-انالار kids.enpf.kz سايتى مەن eGov mobile قوسىمشاسى ارقىلى تەكسەرە الادى.