سولتۇستىك قازاقستان وبلىسىندا جوعارى جىلدامدىقپەن كەلە جاتقان جەڭىل كولىك اۋدارىلىپ، جاس جىگىت وقيعا ورنىندا كوز جۇمدى، دەپ حابارلايدى Aqshamnews.kz ءتىلشىسى.
قايعىلى جاعداي 28 قاڭتاردا كەشكى ۋاقىتتا تايىنشا – چكالوۆو تاسجولىندا، ميرونوۆكا اۋىلىنىڭ ماڭىندا تىركەلگەن. الدىن الا مالىمەتكە سايكەس، Toyota Camry اۆتوكولىگى دونەسكوە اۋىلىنان تايىنشا باعىتىنا قاراي قوزعالعان. ەلدى مەكەنگە جاقىنداعاندا جۇرگىزۋشى كولىكتى باسقارا الماي، جول جيەگىنە شىعىپ كەتىپ، بىرنەشە رەت اۋدارىلعان.
كولىك ىشىندە 19 جاستاعى جۇرگىزۋشى مەن ەكى جولاۋشى بولعان. اۋىر سوققى سالدارىنان جۇرگىزۋشى جەدەل جاردەم جەتكەنشە قايتىس بولدى. ال جولاۋشىلار جەڭىل جاراقات الىپ، مەديسينالىق كومەك كورسەتىلگەننەن كەيىن ۇيلەرىنە جىبەرىلگەن.
اتالعان دەرەك بويىنشا سولتۇستىك قازاقستان وبلىستىق پوليسيا دەپارتامەنتى سوتقا دەيىنگى تەرگەۋ جۇمىستارىن باستادى. ماماندار اپاتقا جوعارى جىلدامدىق پەن جول جاعدايى سەبەپ بولۋى مۇمكىن ەكەنىن ايتادى. قاجەتتى ساراپتامالار تاعايىندالعان.
قۇقىق قورعاۋ ورگاندارى جۇرگىزۋشىلەردى قىسقى كەزەڭدە جول قوزعالىسى ەرەجەلەرىن قاتاڭ ساقتاۋعا جانە جىلدامدىقتى اسىرماۋعا شاقىرادى.