بۇل قارۋلى كۇشتەر ساپىنداعى ماقساتى ايقىن، قىزمەتتە تابىستى جانە سۇلۋ قىز-كەلىنشەكتەردىڭ فەستيۆالى اسكەري ماماندىقتى مەڭگەرىپ، كاسىبي تۇرعىدا تانىلعانداردىڭ الاڭى بولماق، دەپ حابارلايدى aqshamnews.kz.
8ء-شى ناۋرىز – حالىقارالىق ايەلدەر كۇنى قارساڭىندا وتەتىن فوتوبايقاۋ اسكەري قىزمەتتىڭ بەدەلىن ارتتىرۋعا جانە قوعامنىڭ نازارىن اسكەر قاتارىندا جۇرگەن ايەلدەردىڭ رولىنە اۋدارۋعا باعىتتالعان. قاتىسۋشىلار تۋرالى اقپارات ق ر قورعانىس مينيسترلىگىنىڭ Instagram الەۋمەتتىك جەلىسىندەگى رەسمي اككاۋنتىندا جاريالانعان.
فوتوبايقاۋعا قارۋلى كۇشتەر تۇرلەرىنەن، اسكەر تەكتەرىنەن جانە وڭىرلىك قولباسشىلىقتاردان، سونداي-اق قورعانىس مينيسترلىگى مەن باس شتابتىڭ قۇرىلىمدىق بولىمشەلەرىنەن 36 اسكەري ارۋ قاتىسۋدا.
قاتىسۋشىلاردى باعالاۋ 2025 جىلدىڭ 28 اقپانى مەن 5 ناۋرىزى ارالىعىندا قورعانىس مينيسترلىگىنىڭ Instagram رەسمي پاراقشاسىندا داۋىس بەرۋ ارقىلى وتەدى. ەڭ كوپ داۋىس (لايك) جيناعان قاتىسۋشى جەڭىمپاز اتانادى.
بايقاۋ قورىتىندىسىن شىعارۋ جانە جەڭىمپازداردى ماراپاتتاۋ استانادا وتەدى.