2024 جىلى دارىگەرلەردىڭ تاپشىلىعى 19%-عا - 4 864-تەن 3 954 مامانعا دەيىن قىسقاردى، ال ورتا مەديسينا قىزمەتكەرلەرىنىڭ تاپشىلىعى 7%-عا، 4 820-دان 4 505-كە دەيىن تومەندەدى.
ەڭ تاپشى مامانداردىڭ تىزىمىندە تەراپيەۆتتەر، جالپى پراكتيكا دارىگەرلەرى، اكۋشەر-گينەكولوگتار، انەستەزيولوگتار-رەانيماتولوگتار، حيرۋرگتار مەن پەدياترلار قالۋدا، دەپ حابارلايدى aqshamnews.kz.
دەنساۋلىق ساقتاۋ سالاسىنىڭ كادرلىق رەسۋرستارىن زاڭنامالىق دەڭگەيدە بەكىتۋ ماقساتىندا اۋىلدا الەۋمەتتىك قولداۋ شارالارى قابىلداندى. بۇگىنگى تاڭدا وتكىر تاپشى ماماندىقتار بويىنشا 207 مەديسينا قىزمەتكەرىنە ءبىرجولعى تولەمدەر جۇرگىزىلدى.
سونىمەن قاتار، تۇراقتى جۇمىس ورنىنا كەلگەن 544 دارىگەر، ونىڭ ىشىندە 2024 جىلعى 226 تۇلەك الەۋمەتتىك قولداۋ شارالارىن الدى.
مەديسينا قىزمەتكەرلەرىن، ونىڭ شەڭبەرىندە 164 مىڭ ماماندى قۇقىقتىق قورعاۋ ماقساتىندا كاسىبي جاۋاپكەرشىلىكتى ساقتاندىرۋ تۋرالى زاڭ قابىلداندى.
دەنساۋلىق ساقتاۋ مينيسترلىگى ارنايى مامانداردى دايارلاۋعا كۆوتالاردى 1500-دەن 2500 ورىنعا دەيىن ۇلعايتتى جانە مامانداردى وڭىرلەر بويىنشا بىركەلكى ءبولۋ ءۇشىن كادرلاردى ەسەپكە الۋدىڭ ۇلتتىق جۇيەسىن (كەج 2.0) ەنگىزۋدە.