ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى اسقار بياحمەتوۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتىندا جۇمىسپەن قامتۋعا جاردەمدەسۋ شارالارىن ىسكە اسىرۋ تۋرالى ايتتى.
2024 جىلدىڭ قورىتىندىسى بويىنشا قازاقستاندا 979 مىڭ ازامات جۇمىسقا ورنالاستىرىلدى، دەپ حابارلايدى aqshamnews.kz.
اسقار بياحمەتوۆ ق ر ەڭبەك جانە حالىقتى الەۋمەتتىك قورعاۋ مينيسترلىگى قىزمەتىنىڭ نەگىزگى باعىتتارىنىڭ ءبىرى ازاماتتاردى ساپالى جۇمىس ورىندارىمەن قامتاماسىز ەتۋ بولىپ تابىلاتىنىن اتاپ ءوتتى. ەڭبەك نارىعىن دامىتۋدىڭ 2030 جىلعا دەيىنگى تۇجىرىمداماسىندا 2029 جىلعا قاراي ساپالى جۇمىس ورىندارىنىڭ سانىن 3،8 ملن بىرلىككە دەيىن ۇلعايتۋ كوزدەلەدى. 2024 جىلدىڭ قورىتىندىسى بويىنشا 2،5 ملن-عا جەتتى.
«2024 جىلدىڭ قورىتىندىسى بويىنشا قازاقستاندا 979 مىڭ ازامات جۇمىسپەن قامتىلدى، ونىڭ 714 مىڭى تۇراقتى جۇمىس ورىندارىنا ورنالاستىرىلدى. ۇلتتىق جوبالار مەن سالالىق تۇجىرىمدامالار اياسىندا 65 مىڭعا جۋىق ازامات جۇمىسقا ورنالاستىرىلدى. مەملەكەت باسشىسىنىڭ «10 مىڭ تۇرعىنعا شاققاندا 100 جۇمىس ورنى» باستاماسى اياسىندا – 314 مىڭنان استام ادام، جۇمىس بەرۋشىلەر ۇسىنعان بوس جۇمىس ورىندارىنا – 359 مىڭ ادام جانە تاعى 241 مىڭنان استام ادام جۇمىسپەن قامتۋعا جاردەمدەسۋدىڭ بەلسەندى شارالارى اياسىندا جۇمىسقا ورنالاستى»، – دەدى ۆيسە-مينيستر.
سونداي-اق اسقار بياحمەتوۆ اي سايىن ەڭبەكمينىنىڭ اقپاراتتىق جۇيەلەرى ارقىلى جۇمىسقا ورنالاسقانداردىڭ مىندەتتى زەينەتاقى جارنالارىنىڭ بار-جوعىن تەكسەرۋ جانە ولارمەن ەلەكتروندىق ەڭبەك شارتتارىن جاساسۋ ارقىلى جۇمىسقا ورنالاسۋعا مونيتورينگ جۇزەگە اسىرىلاتىنىن ايتتى.
جۇمىس ورىندارىن قۇرۋ مونيتورينگىنىڭ ناتيجەلەرى بويىنشا زەينەتاقى جارنالارى جۇمىسقا ورنالاستىرىلعانداردىڭ جالپى سانىنىڭ 85%-نا تۇسكەنى، شامامەن 60%-دا ەلەكتروندىق ەڭبەك شارتتارىنىڭ بولعانى انىقتالدى.
2024 جىلى جۇمىسپەن قامتۋعا جاردەمدەسۋدىڭ بەلسەندى شارالارىنا 325 مىڭ ازامات تارتىلدى.
67،5 مىڭ ادام ءۇشىن قىسقا مەرزىمدى كاسىپتىك وقىتۋ كۋرستارى ۇيىمداستىرىلدى، ونىڭ ىشىندە: ءبىلىم بەرۋ ۇيىمدارىندا – 7،8 مىڭ ادام، جۇمىس بەرۋشىدە – 1،9 مىڭ ادام، Skills Enbek پلاتفورماسىندا ونلاين-وقىتۋمەن 57،7 مىڭ ادام قامتىلدى. وقۋدان كەيىن بارلىعى 14،6 مىڭ ادام جۇمىسقا ورنالاستىرىلدى.
«ونلاين كۋرستاردان وتكەن ازاماتتاردىڭ جالپى سانىنىڭ 52 مىڭنان استامى نەمەسە 91%-ى وقۋدى ءساتتى اياقتاپ، ءتيىستى سەرتيفيكاتتار الدى.
بۇگىندە Skills Enbek-تە جاڭا داعدىلاردى يگەرۋگە نەمەسە بىلىكتىلىگىن ارتتىرۋعا نيەت بىلدىرەتىن كەز كەلگەن ازامات ءۇشىن 858 كۋرس بار، ونىڭ ىشىندە 311ء-ى تەگىن. وسى جىلى VR جانە AR-تەحنولوگيالاردى پايدالانا وتىرىپ، جاڭا پراكتيكالىق كۋرستار دا قولجەتىمدى بولادى»، – دەدى اسقار بياحمەتوۆ.
«باستاۋ بيزنەس» جوباسى بويىنشا كاسىپكەرلىك نەگىزدەرىن وقىتۋمەن 60 مىڭ ادام قامتىلدى.
سۋبسيديالاناتىن جۇمىس ورىندارىنا 188 مىڭنان استام ادام جۇمىسقا ورنالاستىرىلدى، ونىڭ ىشىندە: قوعامدىق جۇمىستارعا – 110 مىڭ ادام، الەۋمەتتىك جۇمىس ورىندارىنا – 15،5 مىڭ ادام، جاستار پراكتيكاسىنا – 33 مىڭ ادام، «العاشقى جۇمىس ورنى» جوبالارى شەڭبەرىندە – 9،6 مىڭ ادام، «ۇرپاقتار كەلىسىمشارتى» – 420 ادام، «كۇمىس جاس» – 19،1 مىڭ ادام.
جۇمىسپەن قامتۋعا جاردەمدەسۋ جونىندەگى شارالاردىڭ تاعى ءبىر باعىتى ازاماتتاردىڭ كاسىپكەرلىك باستامالارىن قولداۋ ءۇشىن حالىقتىڭ الەۋمەتتىك وسال ساناتتارىنا مەملەكەتتىك گرانتتار بەرۋ بولىپ تابىلادى.
«2024 جىلى گرانتتار ەكى اعىنمەن بەرىلدى، جوسپارلانعان 9 مىڭ ادامنىڭ 8 941ء-ى قامتىلدى. بۇل رەتتە گرانت الۋشىلاردىڭ 64%-دان استامى اۋىلدىق جەرلەردىڭ تۇرعىندارى بولىپ تابىلادى»، – دەپ تولىقتىردى اسقار بياحمەتوۆ.
گرانت الۋشىلاردىڭ نەگىزگى ۇلەسى تەحنولوگيالىق جابدىقتى ساتىپ الۋعا اقشالاي قاراجاتتى پايدالاندى (44%)، مۇندا قاتىسۋشىلاردىڭ ەڭ كوپ سانى تۇركىستان (923 ادام) جانە قىزىلوردا (602 ادام) وبلىستارىندا، سونداي-اق الماتى قالاسىندا (211 ادام) بايقالدى.
«گرانتقا ءوتىنىش بەرگەن كەزدە ۇمىتكەر مىندەتتى تۇردە بيزنەس-جوبانى ىسكە اسىرۋ ناتيجەلەرى بويىنشا جۇمىس ورىندارىن قۇرۋدىڭ جوسپارلى كورسەتكىشىن كورسەتەدى. وسىلايشا، گرانت العان تۇلعالار وزدەرىن جۇمىسپەن قامتاماسىز ەتە وتىرىپ، قوسىمشا 3 مىڭنان استام تۇراقتى جۇمىس ورنىن قۇردى. جۇمىس ورىندارىنىڭ كوبى جامبىل (941 بىرلىك)، قىزىلوردا (920 بىرلىك) جانە تۇركىستان (482 بىرلىك) وبلىستارىندا قۇرىلدى»، – دەپ اتاپ ءوتتى ۆيسە-مينيستر.
ول سونداي-اق حالىقتى جۇمىسپەن قامتۋ سالاسىندا ىسكە اسىرىلعان سيفرلىق جوبالار تۋرالى ەگجەي-تەگجەيلى ايتتى.
ەڭبەكمينى «جوبالاردىڭ يننوۆاسيالىق ناۆيگاتورى» پلاتفورماسىن قۇردى، ول كادرلارعا قاجەتتىلىكتى تالداۋ مەن بولجاۋدى جانە بارلىق ىسكە اسىرىلاتىن جوبالاردىڭ تيىمدىلىگىنە ۋاقتىلى مونيتورينگتى قامتاماسىز ەتەدى. قازىرگى ۋاقىتتا جۇيەدە 168 مىڭ جۇمىس ورنىن قۇرۋ جوسپارىمەن 906 ينۆەستيسيالىق جوبا بويىنشا مونيتورينگ جۇرگىزىلۋدە.
وقۋشىلارعا بولاشاق كاسىپتى تاڭداۋعا مۇمكىندىك بەرەتىن «مانساپ كومپاسى» پلاتفورماسى ەنگىزىلدى. پلاتفورمادا سۇرانىسقا يە 400-دەن استام كاسىپ تۋرالى اقپارات بار.
«تجكب جانە جوو ستۋدەنتتەرى ءۇشىن ەلەكتروندىق ەڭبەك بيرجاسىندا وندىرىستىك پراكتيكادان ءوتۋ ورنىن تاڭداۋعا مۇمكىندىك بەرەتىن فۋنكسيونال ىسكە اسىرىلدى. ستۋدەنتتەر ناقتى داعدىلاردى يگەرىپ قانا قويماي، كەيىن پراكتيكادان وتكەن كاسىپورىندا جۇمىس قاراستىرا الادى. بۇگىندە 610 جۇمىس بەرۋشى پراكتيكادان ءوتۋ ءۇشىن 3،8 مىڭ بوس ورىن ورنالاستىردى، 130 تجكب ۇيىمدارى تارتىلدى، ستۋدەنتتەردەن 15 مىڭ ساۋالناما الىندى»، – دەدى اسقار بياحمەتوۆ.
بۇدان باسقا، بريفينگ بارىسىندا ۆيسە-مينيستر مەملەكەت باسشىسىنىڭ جۇمىسشى ماماندىقتارى جىلىن وتكىزۋ جونىندەگى تاپسىرمالارىن ورىنداۋ ماقساتىندا 2025 جىلعا جوسپارلانعان ءىس-شارالار كەشەنى تۋرالى ايتىپ بەردى.
«الداعى 6 جىلدا كادرلارعا جيىنتىق سۇرانىس 1،6 ملن ادام سانىندا باعالانادى، ونىڭ ىشىندە كاسىپتىك-تەحنيكالىق ءبىلىمى بار قىزمەتكەرلەرگە شامامەن 900 مىڭ جانە جۇمىسشى ماماندىقتارى بار ماماندارعا 400 مىڭنان استام. جۇمىسشى كادرلار قۇرىلىس، اۋىل شارۋاشىلىعى، وڭدەۋ ونەركاسىبى جانە دەنساۋلىق ساقتاۋ سالالارىندا سۇرانىسقا يە. بۇل سالالاردا جۇمىسشى ماماندىقتارعا سۇرانىس 56%-دى قۇرايدى»، – دەدى اسقار بياحمەتوۆ.
ورتالىق مەملەكەتتىك ورگاندار مەن اكىمدىكتەر جۇمىسشى كاسىپتەر جىلىن وتكىزۋ شەڭبەرىندە ءىس-شارالار جوسپارىن ىسكە اسىرۋ بويىنشا بىرلەسكەن جۇمىستى باستادى. مەملەكەتتىك ورگانداردىڭ سالالىق جوسپارلارى جاڭا كاسىپورىندار اشۋ جانە جاڭا جۇمىس ورىندارىن قۇرۋ (تۇراقتى جانە ۋاقىتشا) بويىنشا نەگىزگى كورسەتكىشتەردى قامتيدى.
«جاستار پراكتيكاسى» جوباسى اياسىندا جاس مامانداردى دايارلاۋ ءۇشىن كەمىندە 35 مىڭ تالىمگەردى تارتۋ، سونداي-اق تالىمگەرمەن جۇمىس ورنىندا كاسىپتىك وقىتۋ جوسپارلانعان. جۇمىس بەرۋشىدە جۇمىسسىزداردى جۇمىس ورىندارىندا ۇزاقتىعى 6 ايدان اسپايتىن كاسىپتىك وقىتۋ ۇيىمداستىرىلادى.
وسى جىلى 100 كاسىپتىك ستاندارت ازىرلەنىپ، جاڭارتىلاتىن بولادى. بىلىكتىلىكتى تانۋدى باعالاۋ 4 تاۋەلسىز ورتالىقتىڭ بازاسىندا باستالدى، تاعى 5ء-ىنشى ورتالىقتى اشۋ جوسپارلانۋدا، ونىڭ ىشىندە حالىقارالىق ستاندارتتار بويىنشا 2 ورتالىق بولادى.
«جىل ىشىندە كەمىندە 500 مىڭ وقۋشى مەن تجكب ستۋدەنتتەرى «ەلەكتروندىق ەڭبەك بيرجاسى» ءبىرىڭعاي سيفرلىق پلاتفورماسىن پايدالانا وتىرىپ، جۇمىس ىزدەۋ جانە جۇمىسقا ورنالاستىرۋ داعدىلارىنا وقىتۋمەن قامتىلاتىن بولادى. تجكب-نىڭ ۇزدىك 1 مىڭ تۇلەگىن ەلدىڭ جەتەكشى كومپانيالارىنا جۇمىسقا ورنالاستىرۋ جوسپارلانعان. «مانساپ كومپاسى» پلاتفورماسىنىڭ بازاسىندا
100 مىڭ ادامدى قامتي وتىرىپ، كاسىپتىك باعدار بەرۋ جۇمىستارى جۇرگىزىلەتىن بولادى.جوعارىدا اتالعان شارالاردى قابىلداۋ كىرىستەردى ارتتىرۋعا، ىسكەرلىك بەلسەندىلىكتى جانداندىرۋعا، حالىقتىڭ الەۋمەتتىك ءال-اۋقاتىن جاقسارتۋعا مۇمكىندىك بەرەدى»، – دەپ تۇيىندەدى ۆيسە-مينيستر.