رەجيسسەر كاميلا ساعىنتقاننىڭ شىعارماسى «ەڭ ۇزدىك قىسقامەتراجدى فيلم» اتالىمى بويىنشا باس جۇلدەنى جەڭىپ الدى.
قازاقستاندىق كوركەم تۋىندى لوندوندا وتكەن ەۋرازيالىق فيلمدەر فەستيۆالىنە كوزگە ءتۇستى. 16 مينۋتتىق “تاۋەلسىزدىك كۇنى قۇتتى بولسىن” ءفيلمى سۇيگەن جارى باقيلىق بولىپ، ءومىردىڭ ءمانىن جوعالتقان ورتا جاستاعى ەر كىسى تۋرالى. وتاندىق ءونىم ساراپشىلار مەن كورەرمەننىڭ جوعارى باعاسىنا يە بولدى، دەپ حابارلايدى Almaty-akshamy.kz.
ەۋرازيالىق شىعارماشىلىق گيلدياسى ۇيىمداستىرعان كينوفەستيۆال بيىل التىنشى رەت وتكىزىلدى. وعان قاتىسۋعا 100-گە جۋىق ۇمىتكەر نيەت بىلدىرگەن.
دجون فارندون، ساراپشى:
ورتالىق ازيالىق كينوگەرلەردىڭ سەنىمدىلىگىنىڭ نىعايا تۇسكەنى سەزىلەدى. ولار شىعارماشىلىقتارىن شىڭداپ، باتىس كورەرمەنىنە ءبىر قادام جاقىن بولا ءتۇستى. ومىرىمىزگە باسقا قىرىنان قاراۋعا مۇمكىندىك بەرگەنى قۋانتادى.