«ورلەۋ» بىلىكتىلىكتى ارتتىرۋ ۇلتتىق ورتالىعى مەكتەپكە دەيىنگى جانە ورتا ءبىلىم بەرۋ پەداگوگتەرى ءۇشىن تەگىن بىلىكتىلىكتى ارتتىرۋ كۋرستارىن وتكىزۋدە.
بۇگىنگى تاڭدا 28 مىڭنان استام پەداگوگ بىلىكتىلىكتى ارتتىرۋ كۋرسىن اياقتادى. كۋرستار وسى جىلدىڭ قاراشا ايىنىڭ سوڭىنا دەيىن جالعاسادى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«بۇگىندە ءبىزدىڭ ورتالىقتىڭ وقىتۋشىلارى 1105-تەن استام كۋرس وتكىزدى، وندا 28 مىڭنان استام پەداگوگ بىلىكتىلىگىن ارتتىردى. ءار پەداگوگ كۋرستان كەيىن العان بىلىمدەرى بويىنشا باعالانادى جانە وقىتۋدىڭ تيىمدىلىگىنە تالداۋ جاسالادى»، – دەيدى «ورلەۋ» ورتالىعىنىڭ باسقارما ءتوراعاسى ايدانا شيليبەكوۆا.
ەستەرىڭىزگە سالا كەتەيىك، وقۋ كۋرستارى وسى جىلدىڭ اقپان ايىنىڭ سوڭىندا باستالدى. ورتالىق 80 مىڭنان استام پەداگوگتى، ونىڭ ىشىندە مەكتەپكە دەيىنگى وقىتۋ جانە تاربيەلەۋ جۇيەسىنىڭ 11 مىڭنان استام پەداگوگى جانە 68 مىڭنان استام مەكتەپ پەداگوگى وقىتۋدى جوسپارلاۋدا.