2025 جىلعى 4–12 مامىر ارالىعىندا ساۋد ارابياسىنىڭ داحران قالاسىندا 25ء-شى ازيا فيزيكا وليمپياداسى (APhO-2025) ءوتتى. بەدەلدى حالىقارالىق دوداعا 30 ەلدەن 240-قا جۋىق مەكتەپ وقۋشىسى قاتىستى، دەپ حابارلايدى aqshamnews.kz
قازاقستان قۇراماسى 100% ناتيجە كورسەتتى — بارلىق سەگىز قاتىسۋشى دا جۇلدەگەر اتانىپ، ءتورت كۇمىس جانە ءتورت قولا مەدال جەڭىپ الدى.
سونىمەن قاتار استانا قالاسىنداعى NurOrda مەكتەپ-ليسەيىنىڭ 10-سىنىپ وقۋشىسى نۇرگۇل ەگەنبەرگەنوۆا وليمپياداعا قاتىسۋشى ەڭ ۇزدىك قىز بالا رەتىندە ارنايى «Best Female» سىيلىعىنا يە بولدى.
كۇمىس مەدال يەگەرلەرى:
اميربەك ازاتبەكوۆ – استانا قالاسىنداعى فمب نزم؛
نۇرگۇل ەگەنبەرگەنوۆا – NurOrda مەكتەپ-ليسەيى، استانا قالاسى؛
امير پشەنبايەۆ – Spectrum International School، استانا قالاسى؛
ارتۋر كيم – Spectrum International School، استانا قالاسى.
قولا مەدال يەگەرلەرى:
رومان چەرەمنوۆ – Miras International School، الماتى قالاسى؛
ءىلياس قازىمبەك – رەسپۋبليكالىق فيزيكا-ماتەماتيكا مەكتەبى، استانا قالاسى؛
دانيەل تولەۋبايەۆ – NurOrda مەكتەپ-ليسەيى، استانا قالاسى؛
بەكاسىل ەلۋباي – الماتى قالاسىنداعى نزم.
كوماندا جەتەكشىلەرى — نۇرداۋلەت قالاسوۆ پەن اندرەي سيدورەنكو.
قازاقستان قۇراماسىن شىن جۇرەكتەن قۇتتىقتايمىز!
انىقتاما رەتىندە: ازيا فيزيكا وليمپياداسى — تەوريالىق جانە ەكسپەريمەنتتىك كۇردەلى تاپسىرمالاردى قامتيتىن جوعارى دەڭگەيدەگى حالىقارالىق جارىس. 2024 جىلى قازاقستاندىق وقۋشىلار ءبىر كۇمىس، بەس قولا مەدال جانە ءبىر ماداقتاما العان بولاتىن. ال 2025 جىلى كوماندا تولىق قۇرامدا جۇلدە الىپ، ايتارلىقتاي كورسەتكىشكە قول جەتكىزدى.