ءبىرىڭعاي جيناقتاۋشى زەينەتاقى قورىنىڭ مالىمەتىنشە، 2026 جىلى زەينەتكە شىعۋ ەرەجەسى وزگەرىسسىز قالادى، دەپ حابارلايدى aqshamnews.kz
كەلەر جىلى ەرلەر – 63 جاسىندا، ايەلدەر 61 جاسىنان باستاپ زەينەتاقى الادى.
بجزق اقپاراتىنا قاراعاندا، ايەلدەردىڭ زەينەتكە شىعۋ جاسى اقىرىنداپ ۇلعايا بەرەدى. 2031 جىلعا قاراي نازىك جاندىلار دا 63 جاستان شىعاتىن بولادى.
"زەينەت جاسى – كوپتەگەن ەلدەردە تالقىلاناتىن ماڭىزدى تاقىرىپ. قازاقستان دا بۇل ماسەلەدەن تىس ەمەس. الەمدىك ەكونوميكالىق جانە دەموگرافيالىق وزگەرىستەر جاعدايىندا زەينەت جاسىن ارتتىرۋ حالىقارالىق تاجىريبەگە اينالىپ كەلەدى. حالىقتىڭ ءومىر ءسۇرۋ ۇزاقتىعىنىڭ ارتۋى مەن قارتتاردىڭ كوبەيۋى جۇمىس ىستەيتىن ازاماتتارعا تۇسەتىن سالماقتى ارتتىرادى"، – دەلىنگەن زەينەتقى قورىنىڭ حابارلاماسىندا.
ءبىرىڭعاي جيناقتاۋشى زەينەتاقى قورىنىڭ مالىمەتىنشە، قازاقستانداعى جالپى بەلگىلەنگەن زەينەت جاسى ەرلەر ءۇشىن 63 جاس، ايەلدەر ءۇشىن 2024 جىلعى 1 قاڭتاردان باستاپ 61 جاس دەپ بەلگىلەنگەن.
2028 جىلعى 1 قاڭتاردان باستاپ – 61،5 جاستان؛
2029 جىلعى 1 قاڭتاردان باستاپ – 62 جاستان؛
2030 جىلعى 1 قاڭتاردان باستاپ – 62،5 جاستان؛
2031 جىلعى 1 قاڭتاردان باستاپ – 63 جاستان زەينەتكە شىقپاق.