قازاقستاندا ورتاشا زەينەتاقى مولشەرى - 35،7 مىڭ تەڭگە، الايدا ەلىمىزدە 900 مىڭ تەڭگەدەن ارتىق الاتىندار دا بار. بۇل تۋرالى بجزق مالىمدەدى، - دەپ جازادى Tengrinews.kz ءتىلشىسى.
2025 جىلعى 1 تامىزداعى جاعداي بويىنشا قازاقستاندا جاس بويىنشا بەرىلەتىن ايلىق ورتاشا تولەم – نەبارى 35،7 مىڭ تەڭگە. دەگەنمەن، ەڭ جوعارعى سوماعا شەكتەۋ قويىلماعان، كەيبىر ازاماتتاردىڭ زەينەتاقىسى 900 مىڭ تەڭگەدەن اسادى.
قازاقستانداعى ەڭ جوعارعى 5 زەينەتاقى تولەمى (2025 جىلعى 1 قىركۇيەككە):
-
993 041 تەڭگە
-
818 818 تەڭگە
-
635 236 تەڭگە
-
565 857 تەڭگە
-
560 437 تەڭگە
زەينەتاقى كولەمى نەگە بايلانىستى؟
مامانداردىڭ ايتۋىنشا، مۇنداي جوعارى تولەمدەرگە بىرنەشە فاكتور اسەر ەتەدى: تابىس دەڭگەيى، جالاقىدان تۇراقتى ءارى تولىق اۋدارىمداردىڭ جاسالۋى.
جيناقتاۋشى زەينەتاقى جۇيەسى ءار ازاماتقا ءوز قاراجاتىنا ءوزى ىقپال ەتۋگە مۇمكىندىك بەرەدى. مىندەتتى 10 پايىز اۋدارىم جەتكىلىكسىز بولسا، ادامدار قوسىمشا ەرىكتى جارنالار اۋدارا الادى.
بجزق مالىمەتىنشە، 2025 جىلعى اقپاندا قازاقستانداعى ەڭ جوعارى زەينەتاقى 993 040 تەڭگە بولعان – قازىرگى كورسەتكىشتەن نەبارى 1 تەڭگەگە كوپ. ال ورتاشا ايلىق تولەم اسا وزگەرمەگەن: جىل باسىنداعى 35،5 مىڭ تەڭگەدەن 35،7 مىڭ تەڭگەگە عانا وسكەن.
بۇعان دەيىن بجزق اكتيۆتەردى ينۆەستيسيالىق باسقارۋعا قاتىستى شولۋدا كىرىستىڭ تومەندەگەنىن مالىمدەگەن. 2025 جىلعى قاڭتاردا ينۆەستيسيالىق تابىس تەرىس كورسەتكىشكە ءتۇسىپ، مينۋس 284،86 ميلليارد تەڭگە بولدى.