باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ قىلمىستىق قاۋىپ-قاتەردىڭ جانە قوعامدىق قاۋىپسىزدىكتىڭ تاۋەكەلدەرىن بولجاۋ ورتالىعى ازاماتتاردى الەمدە قارقىن الىپ جاتقان جاڭا كيبەرقاۋىپ تۋرالى ەسكەرتەدى، - دەپ حابارلايدى اqshamnews.kz ءتىلشىسى.
شەتەلدىك دەرەككوزدەرگە سايكەس زيانكەستەر جول قوزعالىسى ەرەجەلەرىن بۇزعانى ءۇشىن جالعان قاۋلىلاردى جاپپاي جىبەرىپ جاتىر. حاتتار مەن حابارلامالار ەلەكتروندىق پوشتا مەن مەسسەندجەرلەرگە جىبەرىلەدى جانە جۇرگىزۋشى، كولىك ءنومىرى تۋرالى دەرەكتەردى جانە «ايىپپۇل تولەۋگە» سىلتەمەنى قامتيدى.
شىن مانىندە، بۇل - فيشينگ شابۋىل. بانك كارتاسىنىڭ دەرەكتەرىن ەنگىزگەن كەزدە ءسىزدىڭ شوتىڭىزعا تولىق قول جەتكىزىلەدى جانە بارلىق قاراجاتتى ۇرلاۋ مۇمكىندىگى تۋىندايدى. جەكەلەگەن جاعدايلاردا سىلتەمەدە قۇرىلعىدان جەكە دەرەكتەردى ۇرلاۋعا ارنالعان ۆيرۋستى قامتيدى.
بۇگىن شابۋىلدار رەسەي مەن اقش-تا تىركەلگەن، سوندىقتان مۇنداي سحەمانىڭ قازاقستاندا تارالۋ ءقاۋپى بار.
اكىمشىلىك ايىپپۇل سالۋ تۋرالى رەسمي حابارلامالار تەك 1414 قىسقا نومىرىنەن كەلىپ تۇسەدى جانە تولەم سىلتەمەلەرىن قامتىمايدى. سالىنعان ايىپپۇلدار تۋرالى اقپارات egov.kz ارقىلى بانكتەردىڭ ءموبيلدى قوسىمشالارىنا دا بەرىلەتىنىن ەستەرىڭىزگە سالامىز.
ەگەر ءسىز 1414 نومىرىنەن ايىپپۇل تۋرالى حابارلاما الساڭىز جانە وندا تولەم سىلتەمەسى بولسا، ول بويىنشا وتپەڭىز! بۇل - جالعان اقپارات! مۇنداي حابارلامالاردى الاياقتار جىبەرەدى!
ۇسىنامىز:
- سىلتەمەلەر ارقىلى وتپەڭىز جانە كۇمان تۋدىراتىن حاتتاردىڭ تىركەمەلەرىن اشپاڭىز؛
- ايىپپۇلدار تۋرالى اقپاراتتى تەك egov.kz، qamqor.gov.kz رەسمي رەسۋرستارىندا جانە بانكتەردىڭ ءموبيلدى قوسىمشالارىندا قايتا تەكسەرىڭىز.
ەگەر ءسىز سىلتەمە ارقىلى ءوتىپ، دەرەكتەردى ەنگىزگەن بولساڭىز:
- بانك كارتاسىن شۇعىل بۇعاتتاڭىز؛
- ىقتيمال الاياقتىق دەرەگى تۋرالى بانككە جانە پوليسياعا 102 تەلەفونى ارقىلى حابارلاڭىز؛
- قۇرىلعىنى ۆيرۋستىڭ بار-جوعىنا تەكسەرىڭىز.