ۇكىمەتتە قازاقستاننىڭ اۆياكاسىپورىندارىن تەكسەرۋ ناتيجەلەرى ايتىلدى، دەپ حابارلايدى aqshamnews.kz.
پرەمەر-مينيستر ولجاس بەكتەنوۆتىڭ تاپسىرماسى بويىنشا اۆياسيالىق اكىمشىلىك نەگىزگى ءىرى اۆياكاسىپورىنداردى، استانا، پاۆلودار، الماتى، اقتاۋ، شىمكەنت، وسكەمەن قالالارىنداعى 6 اۋەجايدى اۋەايلاقتاردىڭ تەحنيكالىق جاي-كۇيى، ۇشۋلاردى اۆاريالىق-قۇتقارۋ جانە ورنيتولوگيالىق قامتاماسىز ەتۋ، التى تۇراقتى اۋە تاسىمالداۋشىنىڭ 71 ازاماتتىق اۋە كەمەسىن پەرروندىق تەكسەرۋ تۇرعىسىنان تەكسەردى.
تەكسەرۋ ناتيجەسىندە 18 بۇزۋشىلىق جويىلدى. سونداي-اق 686 ۇشقىشتىڭ دايىندىعى مەن ۇشۋ الدىنداعى باقىلاۋىنا تالداۋ جۇرگىزىلدى. سونىمەن قاتار، باس كولىك پروكۋراتۋراسىمەن بىرلەسىپ اۆياسيالىق قاۋىپسىزدىك ماسەلەلەرىنە قوسا، ازاماتتىق اۆياسيانىڭ نەگىزگى سۋبەكتىلەرىن جوسپاردان تىس تەكسەرۋ جالعاسۋدا. بۇل دەرەكتەردى ۇكىمەت وتىرىسىندا قازاقستاننىڭ اۆياسيالىق اكىمشىلىگىنىڭ باس ديرەكتورى كاتالين رادۋ ايتتى.