قازاقستاننىڭ اۆياسيا سالاسىنىڭ سيفرلىق ترانسفورماسياسى مەملەكەتتىك-جەكەشەلىك ارىپتەستىكتىڭ ءىرى جوبالارى شەڭبەرىندە دامۋىن جالعاستىرۋدا.
كولىك ۆيسە-مينيسترى تالعات لاستايەۆ ۇكىمەت وتىرىسىندا بايانداعانداي، «E-freight» جۇك تاسىمالدارىندا ەلەكتروندىق قۇجات اينالىمى جۇيەسى ەنگىزىلدى، دەپ حابارلايدى aqshamnews.kz ۇكىمەتتىڭ Telegram-كانالىنا سىلتەمە جاساپ.
ەلىمىزدىڭ اۋەجايلارىندا جولاۋشىلارعا قاعاز قۇجاتتارىن كورسەتپەي-اق تىركەۋدەن جانە باقىلاۋدان وتۋگە مۇمكىندىك بەرەتىن «E-doc-airport» ەلەكتروندىق جەكە كۋالىك جۇيەسى بەلسەندى قولدانىلۋدا. جولاۋشىلاردى بيومەتريالىق سايكەستەندىرۋ، ۇشاقتىڭ ۇشۋ ۋاقىتىن جانە وتىن شىعىنىن ازايتۋ ءۇشىن باعىتتاردى وڭتايلاندىرۋ جانە رەيستەردىڭ كەشىگۋى كەزىندە سيفرلىق ساقتاندىرۋ قىزمەتى سياقتى يننوۆاسيالار ىسكە اسىرىلۋ ساتىسىندا.
بۇل اۆيابيلەتتەردى ساتۋعا ارنالعان قوسىمشاعا ەنگىزىلگەن ارنايى قىزمەت ءتۇرى، ول جولاۋشىلارعا رەيس كەشىكتىرىلگەن جاعدايدا ساقتاندىرۋعا جانە تولەمدەردى بىردەن الۋعا مۇمكىندىك بەرەدى.