توتەنشە جاعدايلار مينيسترلىگى ازاماتتىق قورعانىس جانە اسكەري بولىمدەر كوميتەتىنىڭ باسقارما باستىعى تالعات جامباۋوۆ وسىنداي دەرەك كەلتىردى.
سۋعا كەتكەندەردىڭ بىرەۋى - ءجاسوسپىرىم.
شومىلۋ ماۋسىمى باستالعان 1 ماۋسىمنان بەرى 5 ادام تىيىم سالىنعان جەردە سۋعا باتىپ كەتتى. جالپى سۋعا باتۋدىڭ 95 پايىزى تىيىم سالىنعان جەردە تىركەلەدى، دەپ حابارلايدى aqshamnews.kz.
اتالعان 5 ادامنىڭ بىرەۋى 15 جاستاعى ءجاسوسپىرىم. ول وقيعا استانا قالاسىندا تىركەلدى. بۇل 1 ماۋسىمنان بەرگى ستاتيستيكا. ال جىل باسىنان بەرى 19 ادام سۋعا كەتكەن. ونىڭ جەتەۋى بالا، — دەدى ول باسپا ءسوز ءماسليحاتىندا.
— رۇقسات ەتىلمەگەن جەردە شومىلعان ازاماتتارعا اكىمشىلىك قۇقىق بۇزۋ تۋرالى كودەكستىڭ 412-بابى بويىنشا 7 ايلىق ەسەپتىك كورسەتكىش (27 524تەڭگە — رەد) مولشەرىندە ايىپپۇل سالىنادى. ال جابدىقتالماعان ورىندا شومىلۋ ۇيىمداستىرعان سۋ ايدىنىنىڭ يەسىنىڭ ۇستىنەن قىلمىستىق ءىس قوزعالادى. ونىڭ جازاسىن ىشكى ىستەر مينيسترلىگى سارالايدى، — دەدى تالعات جامباۋوۆ.