الماتى ادۆوكاتتار القاسىنىڭ فيليالى №12 زاڭ كەڭەسىنىڭ عيماراتىنا كىرەبەرىستەگى باسپالداقتا ەسىرتكى جارناماسى سالىنعان.
بۇل تۋرالى بەينەجازبا الەۋمەتتىك جەلىدە تارادى، دەپ حابارلايدى aqshamnews.kz.
الماتى قالاسىنىڭ پوليسيا دەپارتامەنتى بۇل دەرەكتى راستاپ، ەسىرتكى زاتتارىن ناسيحاتتايتىن جازۋ دەرەۋ جويىلعانىن حابارلادى.
— اتالعان دەرەك بويىنشا المالى اۋداندىق پوليسيا باسقارماسىنىڭ قىزمەتكەرلەرى تەكسەرۋ جۇمىستارىن جۇرگىزىپ جاتىر. زاڭسىز جازۋدىڭ اۆتورى انىقتالىپ، قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپكەرشىلىككە تارتىلاتىن بولادى، — دەپ حابارلادى دەپارتامەنتتەن.