«ايەلدەر ەرلەرگە قاراعاندا قاتەرلى ىسىككە ءجيى شالدىعادى، بۇل ايەلدەردىڭ قاتەرلى ىسىگىنىڭ كەڭ تارالۋى – ءسۇت بەزى قاتەرلى ىسىگى، جاتىر موينى قاتەرلى ىسىگى. الايدا قايتىس بولعانداردىڭ 53%-ى وكپە مەن اسقازان قاتەرلى ىسىگىنە شالدىعاتىن ەر ادامدار – بۇل اۋرۋلاردىڭ ءولىم-جىتىم دەڭگەيى جوعارى. ەگەر قازاقستانداعى ونكولوگيالىق اۋرۋلاردىڭ تارالۋىن باسقا ەلدەرمەن، مىسالى، ەكونوميكالىق ىنتىماقتاستىق جانە دامۋ ۇيىمى ەلدەرىمەن سالىستىراتىن بولساق، وندا ءبىزدىڭ ەلىمىزدە ونكولوگيالىق اۋرۋلارمەن سىرقاتتانۋ مەن ءولىم-جىتىم الدەقايدا تومەن»، – دەدى سپيكەر.
سونىمەن قاتار ىسىكتەردى كەش انىقتاۋ ماسەلەسى ساقتالىپ وتىر، بۇل ەرتە دياگنوستيكا شارالارىن كۇشەيتۋ قاجەتتىلىگىن كورسەتەدى. قازاقستاندا 2008 جىلدان باستاپ جاتىر موينى، ءسۇت بەزى، توق ىشەك قاتەرلى ىسىكتەرىن ەرتە انىقتاۋ بويىنشا سكرينينگتەر ەنگىزىلدى. جىل سايىن وسى باعدارلاما بويىنشا 2،8 ملن-عا جۋىق ادام قامتىلادى، بۇل 230 مىڭنان استام قاتەرسىز جانە ىسىك الدى اۋرۋلارىن انىقتاۋعا، ەمدەۋ ءتيىمدى بولاتىن ەرتە كەزەڭدەردەگى قاتەرلى ىسىكتەردىڭ 2800-دەن استامىن دياگنوستيكالاۋعا مۇمكىندىك بەرەدى.
سكرينينگتەردىڭ تيىمدىلىگىن ارتتىرۋ ماقساتىندا ونكوسكرينينگتەرگە نىسانالى توپتاردى قامتۋدى 2028 جىلعا قاراي ءتيىستى حالىقتىڭ 90%-نا دەيىن جەتكىزۋ جوسپاردا. زاماناۋي تەستەردى پيلوتتىق سىناۋ جۇرگىزىلۋدە: باستاپقى اپۆ، جاساندى ينتەللەكتپەن مامموگرافيا، فەرمەنتتىك گەموكۋلت-تەست. سىناقتان ءساتتى وتكەن جاعدايدا ولار سكرينينگ الگوريتمىنە ەنگىزۋگە ۇسىنىلادى. ءۇش قالادا (استانا، شىمكەنت جانە وسكەمەن) اقپاراتتىق-كوممۋنيكاسيالىق جانە تالدامالىق جۇمىستى كۇشەيتىپ، ەلدىڭ باسقا مەديسينالىق ۇيىمدارىنا وڭ تاجىريبەنى ودان ءارى كەڭەيتە وتىرىپ، سكرينينگتىڭ ءبىرىنشى كەزەڭىن ورتالىقتاندىرۋ بويىنشا پيلوتتىق جوبالار ىسكە قوسىلۋدا.