ەڭبەك جانە حالىقتى الەۋمەتتىك قورعاۋ ۆيسە-مينيسترى ۆيكتوريا شەگاي ۇكىمەتتە وتكەن بريفينگتە ەلدەگى ەڭ از زەينەتاقى مولشەرىن اتادى، دەپ حابارلايدى aqshamnews.kz.
-1998 جىلعا دەيىن ەڭبەك ءوتىلى بار تۇلعالارعا ەڭ از زەينەتاقى مولشەرى ەر ادامدار ءۇشىن 25 جىل جانە ايەل ادامدار ءۇشىن 20 جىل تولىق جۇمىس ءوتىلى دەپ الساق، 62 مىڭ 700 تەڭگەنى قۇرايدى. ەگەر ءبىز بازالىق زەينەتاقىنىڭ ەڭ تومەنگى مولشەرى تۋرالى ايتاتىن بولساق، ول بارلىق ازاماتتارعا، سونىڭ ىشىندە ەڭبەك ءوتىلى جوقتارعا دا تاعايىندالادى. ونىڭ مولشەرى كۇنكورىس مينيمۋمىنىڭ 70%-نا نەمەسە 32 300 تەڭگەگە تەڭ، - دەپ ءتۇسىندىردى ۆيسە-مينيستر.
ايتۋىنشا، ەلدە كوپدەڭگەيلى زەينەتاقى جۇيەسى بەكىتىلگەن.
-رەسپۋبليكالىق بيۋدجەتتەن جۇزەگە اسىرىلاتىن زەينەتاقى تولەمدەرى جيىنتىق زەينەتاقىنىڭ ءبىر بولىگىن قۇرايدى، - دەدى ۆيكتوريا شەگاي.