جاز – ءار بالانىڭ اسىعا كۇتەتىن مەزگىلى. ال جازعى دەمالىستى مازمۇندى دا قۋانىشقا تولى ەتىپ ۇيىمداستىرۋ – ءاربىر ۇستاز بەن تاربيەشىنىڭ مىندەتى. 167 جالپى ءبىلىم بەرەتىن مەكتەپ جانىنداعى «بالداۋرەن» جازعى دەمالىس لاگەرى – وسى مىندەتتى ابىرويمەن اتقارعان جارقىن جوباعا اينالدى.
2025 جىلدىڭ 26 مامىرى كۇنى سالتاناتتى تۇردە اشىلعان «بالداۋرەن» لاگەرىنىڭ العاشقى كۇنى ەرەكشە كوڭىل-كۇيمەن باستالدى. ءتۇرلى-تۇستى شارلارمەن بەزەندىرىلگەن الاڭ، بالالاردىڭ شاتتىققا تولى جۇزدەرى، كوتەرىڭكى كوڭىل-كۇي – بارلىعى جازعى ماۋسىمنىڭ جارقىن باستالعانىنىڭ دالەلى بولدى.
لاگەر جۇمىسى ءار كۇن سايىن قىزىقتى شارالارمەن ءوربىدى.
27 مامىردا بالالار قالامىزداعى بوتانيكالىق باققا ساياحات جاساپ، تابيعات اياسىندا سەرۋەندەپ، وسىمدىكتەر الەمىمەن تانىستى.
28 مامىردا مەكتەپ الاڭىندا ۇيىمداستىرىلعان سپورتتىق ەستافەتا بالالاردى ۇيىمشىلدىققا، سالاۋاتتى ءومىر سالتىنا تاربيەلەدى.
29 مامىردا Disney ستۋدياسىنىڭ “راييا جانە سوڭعى ايداھار” ءمۋلتفيلمىن تاماشالاۋ ارقىلى دوستىق، سەنىم، باتىلدىق سياقتى قۇندىلىقتارعا باۋلىندى.
30 مامىردا بالالار 28 پانفيلوۆشى-باتىرعا ارنالعان ساياباققا بارىپ، پاتريوتتىق رۋحتى بويلارىنا ءسىڭىرىپ قايتتى. ولار ساياباقتا پيكنيك ۇيىمداستىرىپ، باتىرلاردىڭ ەرلىگىن ەسكە الدى.
ماۋسىم ايىندا ەرەكشە اسەرگە تولى كۇندەر جالعاسىن تاپتى:
2 ماۋسىمدا «ماكسيما» ساۋدا ورتالىعىنداعى «ناسلەدنيكي» ويىن-ساۋىق كەشەنىندە بالالار ەركىن ويناپ، وزدەرىن ەرتەگى الەمىندە جۇرگەندەي سەزىندى.
4 ماۋسىمدا «الماتى مەملەكەتتىك قۋىرشاق تەاترىنا» بارۋ – بالالاردىڭ ونەرگە دەگەن قىزىعۋشىلىعىن وياتتى. «قۋىرشاق دۋمان» قويىلىمى ولاردىڭ جۇرەگىنەن ەرەكشە ورىن الدى.
5 ماۋسىمدا «موسكۆا» كينوتەاترىندا «ليلو مەن ستيچ» ءمۋلتفيلمىن كورگەن بالالاردىڭ ەموسيالارى مەن قۋانىشى شەكسىز بولدى.
بارلىق كۇندەرى بالالار مەكتەپ اسحاناسىنان ىستىق تاماقپەن قامتاماسىز ەتىلىپ، كۇن سوڭىندا ءداستۇرلى بالمۇزداقپەن قۋانتىلىپ وتىردى. بۇل – لاگەر ۇيىمداستىرۋشىلارىنىڭ بالالاردىڭ تەك رۋحاني ەمەس، فيزيكالىق ساۋلىعىن دا ويلاعانىنىڭ كورىنىسى.
كوبىكتى كەش – «بالداۋرەننىڭ» جارقىن نۇكتەسى
لاگەردىڭ جابىلۋىنا وراي ۇيىمداستىرىلعان كوبىكتى كەش (foam party) – بالالاردىڭ جازعى ماۋسىمدا العان اسەرىن ەكى ەسە كۇشەيتتى. اق كوبىككە شومىلىپ، شاتتىققا تولى مۋزىكامەن بي بيلەگەن بالالاردىڭ قۋانىشتى جۇزدەرى، كۇمىس كۇلكىسى جازعى دەمالىستىڭ ەڭ جارقىن ءساتى بولدى. جابىلۋ سالتاناتى – جۇرەككە ساقتالعان ەستەلىك.
بۇل لاگەر – باقىتتى بالالىق شاقتىڭ ءبىر جارقىن بەتى بولىپ قالعانداي. لاگەردىڭ سوڭعى كۇنى بالالار شاتتىق پەن دوستىققا تولى «بالداۋرەننەن» العان ەرەكشە اسەرلەرىمەن ءبولىسىپ، تاپقان دوستارىن قيماي قوشتاستى. كەيبىر بالالار كوزدەرىنە جاس الىپ، تاربيەشىلەرىنە العىسىن ايتىپ، تاعى كەلگىسى كەلەتىنىن جاسىرمادى.
«بالداۋرەن» – جاي عانا لاگەر ەمەس. بۇل – باقىتتى بالالىق شاقتىڭ ءبىر بەينەسى، جاڭا دوستىقتىڭ باستاۋى، جارقىن ەستەلىكتەردىڭ مەكەنى. ۇيىمداستىرۋشىلاردىڭ جانكەشتى ەڭبەگى مەن شىعارماشىلىق كوزقاراسى بالالاردىڭ جان دۇنيەسىندە ۇمىتىلماس ءىز قالدىردى. كەلەر جازدا «بالداۋرەن» بالالىقتىڭ شاتتىعىن تاعى دا جالعاستىراتىنىنا سەنىم مول.