Almaty-akshamy.kz سايتىندا جاريالانعان جاڭالىقتارعا شولۋ – كۇن كەرۋەنى
ۇتو-دا تەگىن ونلاين ساباقتار جۇرگىزىلىپ جاتىر
بۇل ساباقتار ءبىلىم بەرۋ ورتالىقتارىنىڭ YouTube ارنالارىندا تىكەلەي ەفيردە ءوتىپ، ساقتالادى. تالاپكەرلەر كەز كەلگەن ۋاقىتتا ولاردى قايتا قاراي الادى.
ۇبت-دا «قازاق ادەبيەتى» مەن «ورىس ادەبيەتى» پاندەرىنەن كەزدەسەتىن شىعارمالار ءتىزىمى (مەكتەپ باعدارلاماسىنان)، سونداي-اق «ينفورماتيكادان» ۇبت سۇراقتارىندا كەزدەسەتىن نەمەسە سۇراقتىڭ مازمۇنىن ءتۇسىنۋ ءۇشىن قاجەت تەرميندەر ءتىزىمى ۇتو سايتىندا ورنالاستىرىلدى.
داۋدان ارىلماعان دايرابايەۆ پەن داۋلەت
ب. التەيەۆ، ا. تولامىسوۆ، گ. قاناي، س. وگاي، ج. دايرابايەۆ، ق. مايگەلدىنوۆ، ب. ءۋالي، ا. تيموششەنكو-بوروۆيكوۆا، س. سارىباي، د. تۇرلىحانوۆ، ا. لودوچنيكوۆ، س. قۇرانبەك، ە. سۋلاروۆ ۇلتتىق قۇرىلتايدىڭ قۇرامىنان شىعارىلدى.
رەسمي اقپاراتتا اتاپ وتىلگەندەي، ۇلتتىق قۇرىلتاي جۇمىسىنا جاڭا قوعام وكىلدەرى قوسىلدى.
جالاقىنى كەشىكتىرمەڭىزدەر!
ايتپەسە جۇمىسشىعا وتەماقىنى قوسا تولەيسىز! رەسەي فەدەراسياسىنىڭ مەملەكەتتىك دۋماسى جۇمىسشىلاردىڭ قۇقىعىن قورعاۋ باعىتىندا اسا ماڭىزدى قۇجاتتى قابىلدادى. بۇل زاڭ جوباسىن قابىلداۋعا كونستيتۋسيالىق سوتقا كەلىپ تۇسكەن شاعىم سەبەپ بولعان. دەگەنمەن، ماقۇلدانعان زاڭدا جالاقىنى قانشا كۇن كەشىكتىرگەننەن كەيىن وتەماقى ەسەپتەلەتىنى ايتىلماعان. دەپۋتاتتار بەكىتكەن جاڭا نورمالارعا سايكەس وتەماقى مولشەرى قىزمەتكەر ونى الۋى ءتيىس كۇننەن باستاپ تۇپكىلىكتى تولەم جاساعانعا دەيىن ناقتى تولەنبەگەن اقشادان ەسەپتەلەتىن بولادى.
ەلىمىزدىڭ اسكەرلەرى بۇۇ بىتىمگەرشىلىك ميسسيالارىنا قاتىسادى
قازاقستان تۇڭعىش دەربەس بىتىمگەرشىلىك كونتينگەنتىنە قاتىسادى.
كونستيتۋسيانىڭ 53-بابىنىڭ 5-تارماقشاسى بويىنشا، بۇۇ مىناداي ميسسياسىنا:
ءبىرىنشى – گولان بيىكتىگىندە ءبولىنۋدى باقىلاۋ كۇشتەرىنە؛
ەكىنشى – بىتىمگە كەلۋ شارتتارىنىڭ ورىندالۋىن بايقاۋ ورگانىنا؛
ءۇشىنشى – وڭتۇستىك سۋدان رەسپۋبليكاسىنداعى ميسسياعا؛
ءتورتىنشى – اۋەدەگى قاۋىپسىزدىكتى قامتاماسىز ەتۋ ۋاقىتشا كۇشتەرىنە قاتىسۋ ءۇشىن سانى 430 ادامنان اسپايتىن كونتينگەنتتى جىبەرۋ تۋرالى ۇسىنىس ەنگىزىلەدى.
الماتىنىڭ الماسى
ەندى ءيىسسۋعا اينالدى. ونى «بولاشاق» باعدارلاماسىنىڭ تۇلەگى، ساتبايەۆ ۋنيۆەرسيتەتىنىڭ اعا عىلىمي قىزمەتكەرى گۇلجان تۇزەلبايەۆا جاساعان.
اتاۋلارى قازاقشا. «الماتى اپورتى»، «اپورت»، «جاڭا اپورت»، «امير»، «ايدا»، «مينەرالدى راۋشان». فرانسياداعى پارفيۋمەرلەردىڭ ەڭ جوعارى باعاسىن العان كوكجايلاۋدىڭ قايىڭ ءيىسى دە بار. باعاسى-35-50 مىڭ تگ ارالىعىندا.
قازاقستان ءبىرىڭعاي ۋاقىتقا كوشەدى
1 ناۋرىزدا ساعات 00:00-دەن باستاپ ەلدىڭ بۇكىل اۋماعىندا ءبىرىڭعاي ۋاقىت بەلدەۋى ورناتىلادى. وسىلايشا، قازاقستان رەسپۋبليكاسىنىڭ بۇكىل اۋماعىنا 5ء-شى ۋاقىت بەلدەۋى (UTC+5) قولدانىلادى. قاۋلى رەسمي تۇردە جاريالانىپ، 2024 جىلعى 1 ناۋرىزدان باستاپ قولدانىسقا ەنگىزىلدى.
قازاقستان مەكتەپتەرىندە 2817 پەداگوگ جەتىسپەيدى
اسىرەسە، ماتەماتيكا جانە ورىس ءتىلى مەن ادەبيەتى پاندەرىنىڭ مۇعالىمدەرىنە سۇرانىس جوعارى.
ءمۇعالىم تاپشىلىعى ماسەلەسىن شەشۋ ءۇشىن ەلىمىزدىڭ 4 وڭىرىندە 2022 جىلدان باستاپ قازاقستان رەسپۋبليكاسى ۇكىمەتىنىڭ 2022 جىلعى 13 ماۋسىمداعى № 390 (اتىراۋ، الماتى، ماڭعىستاۋ جانە تۇركىستان وبلىستارى) قاۋلىسىمەن بەكىتىلگەن ارنايى باعدارلاما ىسكە اسىرىلىپ جاتىر.
شەتەلدىك كولىگىن تىركەمەگەندەرگە ايىپپۇل سالىنادى
مينيسترلىكتىڭ اقپاراتىندا ايتىلعانداي 304 مىڭنان استام شەتەلدىك اۆتوكولىك تىركەلدى. ونىڭ 21 مىڭى — اۆتوكونسترۋكتور. 55 مىڭ اۆتوكولىك ۋاقىتشا ەسەپكە الىندى. «شەتەلدىك اۆتوكولىك يەلەرىنە بەلگىلەنگەن تارتىپتە تىركەلمەگەن اۆتوكولىكتەردى پايدالانۋ ءۇشىن اكىمشىلىك جاۋاپكەرشىلىك قاراستىرىلاتىنىن ەسكە سالامىز»، - دەدى ۆەدومستۆوداعىلار.
ەسەپتى ەندى جاساندى ينتەللەكت شەشەتىن بولدى
امەريكاندىق ماتەماتيكتەر كۇردەلى گەومەتريالىق ەسەپتەردى شەشە الاتىن تەحنولوگيالىق جۇيە ويلاپ تاپتى. جاساندى ينتەللەكتىنىڭ كومەگىمەن جاسالعان تىڭ دۇنيە ءبىلىم بايگەلەرىندەگى تاپسىرمالاردى جىلدام شەشە الادى. ءتىپتى حالىقارالىق وليمپيادادا قولدانىلاتىن 30 ساۋالدىڭ 25ء-ىن كىدىرمەي دۇرىس تاپقان. مۇنى قازىلار القاسى دا قۇپتاپ وتىر. ەندى نەيروجەلىنى مۇنان دا كۇردەلى تاپسىرمالاردى ورىنداۋعا قولدانۋ كەرەك دەيدى عالىمدار.
الماتىدا جاسىل جەلەكتەردى كەسكەندەردىڭ ءىسى سوتتا قارالدى
الماتى سوتى «ك» جاۋاپكەرشىلىگى شەكتەۋلى سەرىكتەستىگىنە جەر تەلىمىن پايدالانۋعا قاتىستى زاڭبۇزۋشىلىقتاردى جويۋدى مىندەتتەدى، سەبەبى كومپانيا جاسىل جەلەكتەردى جويىپ، ورنىنا اقىلى اۆتوتۇراق ۇيىمداستىردى.
سوت انىقتاعانداي، "اۋماقتى كوگالاندىرۋ“ ماقساتىنداعى جەر تەلىمىن مەنشىك يەسى باسقا ماقساتتا پايدالانعان. جوعارىدا اتالعان مەكەمە جەر ۋچاسكەسىندە اقىلى اۆتوتۇراق ۇيىمداستىرىپ، جاسىل جەلەكتەردى جويىپ جىبەرگەن. زاڭناماعا سايكەس، ەگەر مەنشىك يەسى جەر ۋچاسكەسىنىڭ نىسانالى ماقساتىن بۇزسا، مەملەكەتتىك ۋاكىلەتتى ورگاندار بۇزۋشىلىقتاردى جويۋ جانە ونىڭ ماقساتتى تۇردە پايدالانىلۋىن قامتاماسىز ەتۋ بويىنشا شارالار قابىلدايدى.