ەلىمىزدە پەرسپەكتيۆالى مۇناي-گاز ۋچاسكەلەرىن زەرتتەۋگە ميللياردتاعان تەڭگە بولىنەدى
قازاقستاندا جاڭا مۇناي كەن ورىندارى يگەرىلمەك، دەپ حابارلايدى Almaty-akshamy.kz LS-كە سىلتەمە جاساپ.
"قازمۇنايگاز" ۇلتتىق كومپانياسىنىڭ مالىمەتىنشە، مۇعالجار، بەرەزوۆسكيي، جارقىن، بولاشاق جانە سولتۇستىك وزەن ۋچاسكەلەرى تۋرالى ءسوز بولىپ وتىر. ولاردى 2023-2024 جىلدارى KMG barlau ەنشىلەس كومپانياسى زەرتتەيتىن بولادى. ءاربىر ۋچاسكەگە 2 ملرد-تان 11 ملرد تەڭگەگە دەيىن قاجەت بولادى.
"ءبىر ۋچاسكەگە 2D-سەيسميكالىق بارلاۋدىڭ جوسپارلانعان كولەمى شامامەن 300-دەن 2،7 مىڭ كم. 3D سەيسميكالىق بارلاۋ 400 شارشى كم-گە جۇرگىزىلەدى. بولجامدى گەولوگيالىق رەسۋرستاردىڭ كولەمى تاۋەكەلدەردى ەسەپكە الماعاندا ءبىر ۋچاسكەدە شامامەن 24 ملن-نان 350 ملن تونناعا دەيىن بولۋى مۇمكىن"، - دەپ ءتۇسىندىردى قمگ-دا.
كومپانيادا اتاپ وتكەندەي، بارلىق وسى اۋماقتار بويىنشا تابىسقا جەتۋ ىقتيمالدىعى 4-13%-دى قۇرايدى، بۇل وسىنداي وڭىرلىك جوسپارعا گەولوگيالىق بارلاۋ جۇرگىزۋ كەزىندەگى ورتاشا كورسەتكىش بولىپ تابىلادى. قورىتىندىسى بويىنشا رەسۋرستىق بازا ناقتىلانىپ، سونداي-اق، جەر قويناۋىن پايدالانۋعا كەلىسىمشارتتار جاساسۋمەن نەعۇرلىم ەگجەي-تەگجەيلى زەردەلەۋ ءۇشىن پەرسپەكتيۆالىق ايماقتار بولىنەدى.
ايتا كەتەيىك، جارقىن (ماڭعىستاۋ وبلىسى) ۋچاسكەسى ءۇستىرت – بۋزاچينسك باسسەينىنىڭ وڭتۇستىك – باتىس بولىگىندە وڭتۇستىك – بۋزاچينسك ءيىلىسى شەگىندە ورنالاسقان. سولتۇستىك وزەن (ماڭعىستاۋ وبلىسى) وزەن – قاراماندىباس كەن ورنىنىڭ سولتۇستىك بولىگىندە ماڭعىشلاق باسسەينىنىڭ بەكە – باشقۇدىق قورعانىنىڭ شەگىندە ورنالاسقان. بەرەزوۆسكيي (باتىس قازاقستان وبلىسى) كاسپيي ماڭى ويپاتىنىڭ سولتۇستىك بورتتىق ايماعىندا ورنالاسقان. مۇعالجارى (اقتوبە وبلىسى) كاسپيي ماڭى ويپاتىنىڭ شىعىس بورتىنىڭ سولتۇستىك بولىگىندە ورنالاسقان. بولاشاق (ماڭعىستاۋ وبلىسى) – ءۇستىرت – بۋزاچينسك باسسەينىنىڭ سولتۇستىك بولىگىندە ەكى ءىرى تەكتونيكالىق ەلەمەنتتەردىڭ تۇيىسكەن جەرىندە – كاسپيي ماڭى جانە سولتۇستىك ءۇستىرت ويپاتتارىندا. سيرەك كەزدەسەتىن سەيسميكالىق بەيىندەر جەلىسى بويىنشا ۋچاسكە شەگىندە سارىتاۋ، سالقىن جانە ارال قۇرىلىمدارى قاراستىرىلعان.