قازاقستان رەسپۋبليكاسى ارنايى وپەراسيالار كۇشتەرىنىڭ قولباسشىلىعى مەملەكەت باسشىسىنىڭ ارميانىڭ جاۋىنگەرلىك قابىلەتىن تۇبەگەيلى ارتتىرۋ جانە قارۋلى كۇشتەردىڭ جۇمىسىن قايتا قۇرۋ جونىندەگى تاپسىرماسىن ىسكە اسىرۋ شەڭبەرىندە قۇرىلدى، دەپ حابارلايدى Almaty-akshamy.kz.
ارنايى وپەراسيالار كۇشتەرى - ەلدىڭ قورعانىس قابىلەتىن، اسكەري قاۋىپسىزدىگىن قامتاماسىز ەتۋ شەڭبەرىندە، ونىڭ ىشىندە تەرروريزمگە قارسى وپەراسيالارعا قاتىسۋ جانە زاڭسىز قارۋلى قۇرالىمدارعا قارسى ارنايى مىندەتتەردى شەشۋگە ارنالعان قۇرىلىم.
وسى ۋاقىت ىشىندە قورعانىس مينيسترلىگى قولباسشىلىقتىڭ كۇشتەرى مەن قۇرالدار قۇرامىن، مىندەتتەرى مەن فۋنكسيالارىن ايقىندادى. جىل بويى باسقارۋ ورگاندارىن، ارنايى وپەراسيالار كۇشتەرىنىڭ بولىمشەلەرىن قۇزىرەتتى ماماندارمەن جاساقتاۋ، ولاردى زاماناۋي تەحنيكامەن، قارۋ-جاراقپەن جانە وقۋ-ماتەريالدىق بازامەن جاراقتاندىرۋ جۇمىستارىن جۇرگىزدى.