بۇل جونىندە ق ر مادەنيەت جانە سپورت ۆيسە-مينيسترى ايتتى.
قازاقستاندا رامىزدەردى قورلاعاندار 10 ميلليون تەڭگە ايىپپۇل تولەيدى. بۇل تۋرالى مادەنيەت جانە سپورت مينيسترلىگىنىڭ كەڭەيتىلگەن القا وتىرىسىندا ايتىلدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
«مەملەكەت باسشىسىنىڭ تاپسىرماسىنا سايكەس، قىلمىستىق كودەكستىڭ "مەملەكەتتىك رامىزدەردى قورلاۋ" تۋرالى 372-بابىنا وزگەرىستەر ەنگىزىلدى. وزگەرىستەر ناتيجەسىندە رامىزدەردى قورلاۋ دەرەگى ءۇشىن ايىپپۇل كولەمى 3 000 اەك-كە ۇلعايتىلدى جانە قوعامدىق جۇمىستارعا تارتۋدىڭ ەڭ ۇزاق مەرزىمى 600-دەن 900 ساعاتقا دەيىن كوبەيتىلدى»، - دەدى ق ر مادەنيەت جانە سپورت ۆيسە-مينيسترى نۇرعيسا داۋەشوۆ.
ەسكە سالا كەتەيىك، بىلتىر الماتىدا "يرينا كايراتوۆنا" مەن Shiza كونسەرتىندە توپ مۇشەلەرى مەملەكەتتىك تۋعا قۇرمەت كورسەتپەي، ساحنادا بالاعات سوزدەر ايتقان ەدى.