"جولاۋشىلار تاسىمالى" اق باسقارما ءتوراعاسى جانىبەك تايجانوۆ قازاقستاندا توزعان ۆاگوندار قاشان جاڭارتىلاتىنىن ايتتى، - دەپ حابارلايدى اlmaty-akshamy.kz.
"ۇلتتىق تاسىمالداۋشى كومپانيادا مۇنداي 600 ۆاگون بار. جەكە تاسىمالداۋشىلاردا دا وسىنداي ۆاگوندار بار. ولار 28 جىلدان بەرى پايدالانىلىپ كەلەدى. ۆاگوندار 1980-1990 جىلدارى شىعارىلعان. زاۋىتتان شىققاندا ولاردا كونديسيونەر بولماعان. بۇل ۆاگوندار 2030 جىلعا دەيىن ەسەپتەن شىعارىلادى"، - دەدى جانىبەك تايجانوۆ سەنات كۋلۋارىندا.
باسشى بۇگىندە جاڭا ۆاگونداردى جاڭارتۋ جانە ساتىپ الۋ جۇمىسى جۇرگىزىلىپ جاتقانىن اتاپ ءوتتى.
"ءقازىر 150-گە جۋىق ۆاگون ساتىپ الدىق. ناقتى ايتساق، 157 ۆاگوندى ساتىپ الۋعا كەلىسىمشارت جاساستىق. 2025 جىلى Stadler ۆاگوندارى جەتكىزىلەدى دەپ جوسپارلاپ وتىرمىز، ال 2030 جىلى ەلىمىزدە پايدالانۋ مەرزىمى 10-13 جىل بولعان جاڭا ۆاگوندار بولادى. ناتيجەسىندە، قازاقتاندىقتار ەسكى ۆاگوندار ماسەلەسىن ۇمىتادى"، - دەپ باسقارما ءتوراعاسى.