قازاقستاننىڭ دامۋ بانكى رەسپۋبليكالىق ماڭىزى بار اۆتوجولداردى قالپىنا كەلتىرۋ جوباسىن قارجىلاندىرادى، دەپ حابارلايدى almaty-akshamy.kz
مەملەكەت باسشىسىنىڭ تاپسىرمالارىن ورىنداۋ جانە ەكونوميكالىق ءوسىمدى قامتاماسىز ەتۋ ماقساتىندا ق ر ۇكىمەتىنىڭ جوسپارىن ىسكە اسىرۋ ءۇشىن «قازاقستاننىڭ دامۋ بانكى» اق رەسپۋبليكالىق ماڭىزى بار اۆتوجولداردى قالپىنا كەلتىرۋ جونىندەگى ينۆەستيسيالىق جوبانى قارجىلاندىرۋدى باستايدى.
- قارجىلاندىرۋ كولەمى: 450 ملرد تەڭگە مولشەرىندەگى ۇزاق مەرزىمدى نەسيە قاراجاتى «قازاۆتوجول» ۇك» اق-عا ءتيىستى كەلىسىم شەڭبەرىندە بولىنەتىن بولادى.
- ىسكە اسىرۋ مەرزىمى: جوبا 2024-2027 جىلدار ارالىعىندا ىسكە اسىرىلادى.
- جولداردىڭ جالپى ۇزىندىعى: 5 مىڭ شاقىرىمنان اساتىن رەسپۋبليكالىق ماڭىزى بار اۆتوجولدار.
جوبا قازاقستاننىڭ بارلىق اۋماعىندا جۇزەگە اسىرىلادى. وبلىس ورتالىقتارىن اباي، اقمولا، اقتوبە، الماتى، اتىراۋ، شىعىس قازاقستان، جامبىل، جەتىسۋ، باتىس قازاقستان، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان، تۇركىستان جانە ۇلىتاۋ وبلىستارىنىڭ ەلدى مەكەندەرىمەن بايلانىستىراتىن جولداردى، سونداي-اق رەسپۋبليكالىق ماڭىزى بار تراسسالاردى قالپىنا كەلتىرۋدى كوزدەيدى.
- سۋ وتكىزگىش قۇبىرلار: اپاتتى كوپىرلەر قايتا جاڭارتىلادى.
- اۆتوماتتاندىرىلعان جۇيە: جولداردىڭ قالپىنا كەلتىرىلگەن ۋچاسكەلەرىندە كولىك قۇرالدارىنىڭ سالماعى مەن كولەمىنە قاتىستى پارامەترلەرىن ولشەۋدىڭ اۆتوماتتاندىرىلعان جۇيەسى ىسكە قوسىلادى.
بۇل جوبانى ىسكە اسىرۋ وڭىرلەردىڭ كولىكتىك-لوگيستيكالىق الەۋەتىن اشۋعا ەلەۋلى ۇلەس قوسادى. ناقتىراق ايتساق:
- جولداردىڭ تەحنيكالىق سيپاتتاماسى جاقسارادى.
- كولىك ماگيسترالدارىنىڭ وتكىزۋ قابىلەتى مەن جايلىلىعى ارتادى.
- جول بويىنداعى ەلدى مەكەندەردىڭ دامۋى.
- حالىقتىڭ ىسكەرلىك بەلسەندىلىگى ارتادى.
- كولىك قىزمەتتەرىن اقپاراتتاندىرۋ پروسەسى جەدەلدەتىلەدى.
- كولىك تاسىمالدارىنا قارجىلىق جانە ۋاقىتشا شىعىندار قىسقارادى.
بۇل شارالار ەلدىڭ اگرارلىق جانە ونەركاسىپتىك سەكتورلارىنىڭ دامۋىنا وڭ اسەر ەتەدى.