«قازاقستاندا ەنەرگيا تاپشىلىعى ءقازىردىڭ وزىندە 1،3 گيگاۆاتتى قۇراپ وتىر، ال 2030 جىلعا قاراي بۇل كورسەتكىش 3 گيگاۆاتقا دەيىن ءوسۋى مۇمكىن»، – دەيدى عالىمدار.
بەيبىت اتومدى پايدالانۋدىڭ ارتىقشىلىقتارىن تالقىلاعان ماماندار اتوم ەلەكتر ستانسيالارىنىڭ ماڭىزدىلىعىن اتاپ ءوتتى. بۇل ەنەرگيا كوزدەرى «جاسىل» تەحنولوگيا رەتىندە دە قاراستىرىلادى.
ءال-فارابي اتىنداعى قازاق ۇلتتىق ۋنيۆەرسيتەتىنىڭ تەوريالىق جانە يادرولىق فيزيكا كافەدراسىنىڭ پروفەسسورى فەدور پەنكوۆتىڭ ايتۋىنشا، اتوم ەنەرگەتيكاسى قازاقستان ءۇشىن اسا ماڭىزدى ماسەلە بولىپ وتىر.
«ويتكەنى ەلىمىزدە ەلەكتر ەنەرگياسىن وندىرۋدە نەگىزىنەن كومىر مەن گاز قولدانىلادى. جىل سايىن اتموسفەراعا 35 ميلليون تونناعا دەيىن كومىرقىشقىل گازدارى شىعارىلادى، بۇل قورشاعان ورتاعا ەداۋىر زيان كەلتىرۋدە»، – دەيدى عالىمدار.