جاساندى ينتەللەكت جانە سيفرلىق دامۋ مينيسترلىگى ازاماتتارعا وسىنداي ەسكەرتۋ جاسادى، - دەپ حابارلايدى aqshamnews.kz
"سمارتفون ساتىپ الماس بۇرىن IMEI كودىن تەكسەرىڭىز! بۇل ءسىزدىڭ قۇرىلعىڭىز زاڭدى تۇردە تىركەلگەنىنە جانە ەشقانداي شەكتەۋسىز جۇمىس ىستەيتىنىنە كوز جەتكىزۋگە كومەكتەسەدى"، - دەپ جازىلعان حابارلامادا.
IMEI كودتى *#06# ارقىلى نەمەسە قۇرىلعىنىڭ قورابىنان، كورپۋستان تابۋعا بولادى.
"كودتى imei.kz سايتىندا تەكسەرىڭىز. بار بولعانى بىرنەشە مينۋت ۋاقىتىڭىزدى ارناپ، تىركەلمەگەن نەمەسە ۇرلانعان تەلەفون ساتىپ الۋدان اۋلاق بولىڭىز"، - دەپ جازىلعان حابارلامادا.
بۇعان دەيىن قازاقستاندا مىڭداعان تەلەفون بۇعاتتالۋى مۇمكىن ەكەنى حابارلاندى. جاڭا تالاپتارعا سايكەس ەلگە العاش رەت اكەلىنەتىن بارلىق ءموبيلدى قۇرىلعى مىندەتتى تۇردە GSMA حالىقارالىق دەرەكتەر بازاسىندا، سونداي-اق، مەملەكەتتىك سالىق جانە كەدەن جۇيەلەرىندە ۆەريفيكاسيادان وتۋگە ءتيىس.