بۇل رەفەرەندۋمنىڭ ناتيجەسى قازاقستاننىڭ بولاشاقتاعى دامۋ باعىتىن انىقتايدى جانە ەلىمىزدىڭ ەنەرگەتيكالىق تاۋەلسىزدىگىن قامتاماسىز ەتۋ جولىنداعى ماڭىزدى شەشىم بولماق.
اتوم ەلەكتر ستانساسىن سالۋ تەك تۇراقتى ەنەرگيا كوزىمەن قامتاماسىز ەتۋ عانا ەمەس، سونىمەن قاتار ساباقتاس سالالاردى دامىتۋدىڭ كۇشتى درايۆەرى بولىپ تابىلادى.
اتوم ەنەرگەتيكاسى زاماناۋي تەحنولوگيالاردى، قۇرىلىس، عىلىم جانە ءبىلىم بەرۋ سالالارىن دامىتۋعا ۇلكەن مۇمكىندىك بەرەدى. بۇل تەك ەنەرگەتيكاداعى ماڭىزدى قادام عانا ەمەس، ەلىمىزدەگى ءوندىرىس، يننوۆاسيا جانە زەرتتەۋلەردى ىلگەرىلەتۋدىڭ دە كىلتى. ەلىمىزدىڭ ەكونوميكالىق تۇراقتىلىعى مەن ەنەرگياعا دەگەن سۇرانىسىن قاناعاتتاندىرۋ جولىندا اتوم ەلەكتر ستانسياسى شەشۋشى ءرول اتقاراتىن بولادى.
بۇل ءبىزدىڭ ەلىمىزدى تەك ەنەرگەتيكالىق تۇرعىدان عانا ەمەس، جالپى ەكونوميكالىق جانە الەۋمەتتىك دامۋ جاعىنان دا نىعايتادى. اەس سالۋ جوباسى قازاقستاننىڭ ەنەرگەتيكالىق قاۋىپسىزدىگىن قامتاماسىز ەتىپ قانا قويماي، جاس ۇرپاق ءۇشىن جاڭا مۇمكىندىكتەر اشاتىن قادام.
ءاربىر قازاقستاندىقتىڭ داۋىسى ماڭىزدى. بۇل تەك ەنەرگەتيكا سالاسىنداعى شەشىم عانا ەمەس، ەلىمىزدىڭ بولاشاعىنا قاتىستى ۇلكەن جاۋاپكەرشىلىك.