كادرلاردى دايارلاۋدى ءتيىمدى جوسپارلاۋ، سونداي-اق جۇمىسپەن قامتۋ سالاسىنداعى احۋالدى تالداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جوبالاردىڭ يننوۆاسيالىق ناۆيگاتورىن ازىرلەدى، دەپ حابارلايدى aqshamnews.kz
بۇگىندە پلاتفورمادا 755 ينۆەستيسيالىق جوبا قامتىلىپ، 150 مىڭ جۇمىس ورنىن قۇرۋ جوسپارلانعان. ەڭبەكاقى تولەۋ قورىنىڭ مولشەرى، جالاقىنى ۋاقتىلى تولەۋ، الەۋمەتتىك اۋدارىمدار، جۇمىس ورىندارىنىڭ سانى سياقتى كورسەتكىشتەر نەگىزىندە ىسكە اسىرىلىپ جاتقان جوبالاردىڭ تيىمدىلىگىن باعالاۋدى جۇزەگە اسىرۋعا بولادى.
تالداۋ ءارتۇرلى ايماقتارداعى ەڭبەك نارىعىنىڭ قاجەتتىلىكتەرى مەن كوللەدج ستۋدەنتتەرى (تجكب) تۇلەكتەرىنىڭ اراسىنداعى ۇلكەن الشاقتىقتى كورسەتتى. ەڭ ۇلكەن ايىرماشىلىق قۇرىلىس سالاسىندا جانە ونەركاسىپتە بايقالادى. سونىمەن قاتار كادر تاپشىلىعى وڭىرلەر بويىنشا بىركەلكى ەمەس ەكەنى انىقتالدى.
سونداي-اق جوبالاردىڭ يننوۆاسيالىق ناۆيگاتورىن قارجى مينيسترلىگىنىڭ اقپاراتتىق جۇيەلەرىمەن ينتەگراسيالاۋ اياقتالدى. ولاردان دەرەكتەر تۇسكەننەن كەيىن كادرلاردى دايارلاۋدى مەملەكەتتىك بيۋدجەت ەسەبىنەن ىسكە اسىرىلاتىن جوبالارمەن ۇندەستىرۋ مۇمكىندىگى پايدا بولادى.
مەملەكەت باسشىسىنىڭ تاپسىرماسى بويىنشا ەكونوميكانى بىلىكتى كادرلارمەن قامتاماسىز ەتۋ شەڭبەرىندە جۇمىسشى ماماندىقتار بويىنشا 1،6 مىڭ كاسىبي ستاندارت جاڭارتىلدى.
دايىندىق ساپاسىن قامتاماسىز ەتۋ ءۇشىن جۇمىسشى ماماندىقتار بويىنشا 1،6 مىڭ كاسىپتىك ستاندارت جاڭارتىلدى. ولاردىڭ نەگىزىندە ءبىلىم بەرۋ باعدارلامالارىنىڭ 87%-ى جاڭارتىلدى. بۇعان قوسا ەو ەلدەرىنىڭ ستاندارتىن قولدانا وتىرىپ، 12 مىڭنان استام داعدىنى قامتيتىن ەلەكتروندىق داعدىلار بانكى قۇرىلدى. بيىل تاعى 100 كاسىپتىك ستاندارت ازىرلەنىپ، جاڭارتىلاتىن بولادى.
بۇگىنگى تاڭدا بارلىق جۇمىس ىستەيتىن قازاقستاندىقتاردىڭ جارتىسىنان استامىنىڭ (52%) كاسىپتىك نەمەسە تەحنيكالىق ءبىلىمى بار ەكەنىن اتاپ ءوتۋ ماڭىزدى. بۇل 2،3 ملن-عا جۋىق ادام، ولار 2 مىڭنان استام جۇمىسشى ماماندىعى بويىنشا جۇمىس ىستەيدى. مۇنداي ماماندارعا دەگەن سۇرانىستىڭ جوعارى ەكەندىگىن بوس جۇمىس ورىندارىنىڭ كوپتىگى راستايدى – بىلتىر ول 270 مىڭنان استام ورىندى قۇرادى.