وقۋ-اعارتۋ ءمينيسترى عاني بەيسەمبايەۆ ۇكىمەت وتىرىسىندا تەحنيكالىق جانە كاسىپتىك ءبىلىم بەرۋ ۇيىمدارى ءۇشىن «جۇمىسشى ماماندىقتارى جىلىن» وتكىزۋ شەڭبەرىندە 2025 جىلعى 1 قىركۇيەكتەن باستاپ جان باسىنا شاققانداعى قارجىلاندىرۋ كولەمى ۇلعاياتىنىن حابارلادى.
ونىڭ ايتۋىنشا، قازىرگى كۇنى جان باسىنا شاققانداعى نورماتيۆتىك قارجىلاندىرۋدىڭ قولدانىستاعى ادىستەمەسىنە سايكەس 1 ستۋدەنتتى وقىتۋعا بولىنەتىن قاراجاتتىڭ ورتاشا مولشەرى 437 مىڭ تەڭگەنى قۇراسا، ەندى ول ورتا ەسەپپەن 912 مىڭ تەڭگەنى قۇرايتىن بولادى.
«جاڭا قارجىلاندىرۋ ءنورماتيۆى نەگىزگى جانە ىنتالاندىرۋ بولىكتەرىنەن تۇرادى، بۇل رەتتە ىنتالاندىرۋشى تولەمدەر ناقتى كورسەتكىشتەرگە قول جەتكىزگەن كوللەدجدەرگە بەرىلەدى. قارجىلاندىرۋدىڭ جاڭا جۇيەسى باسەكەگە قابىلەتتى ماماندار دايارلاۋعا، ءبىلىم بەرۋ ۇيىمدارىن زاماناۋي ماتەريال-تەحنيكالىق قۇرالدارمەن جابدىقتاۋعا جانە پەداگوگتەردىڭ بىلىكتىلىگىن ارتتىرۋ كۋرستارىن ۇيىمداستىرۋعا مۇمكىندىك بەرەدى»، — دەپ ءتۇسىندىردى عاني بەيسەبايەۆ.