وقۋ-اعارتۋ ءمينيسترى عاني بەيسەمبايەۆ ۇكىمەت وتىرىسىندا رەسپۋبليكادا تەحنيكالىق جانە كاسىپتىك ءبىلىم بەرۋ جۇيەسىن دامىتۋ ءۇشىن بيزنەس-قۇرىلىمدار مەن ينۆەستورلاردى تارتۋ جوسپارلانىپ وتىرعانىن حابارلادى.
ول بۇل دۋالدى وقىتۋ جۇيەسىن دامىتۋعا جانە كاسىپورىنداردىڭ تاپسىرىسى نەگىزىندە ەكونوميكاعا قاجەتتى مامانداردى ماقساتتى تۇردە دايارلاۋعا مۇمكىندىك بەرەتىنىن اتاپ ءوتتى.
قازىرگى تاڭدا نەبارى 518 كاسىپورىن كوللەدجدەرگە شەفتىك قامقورلىق كورسەتىپ وتىر. الداعى ۋاقىتتا كوللەدجدەرمەن ىنتىماقتاستىق ورناتىپ، ولاردىڭ قىزمەتىنە قولداۋ كورسەتەتىن كاسىپورىندار سانىن 4000-عا جەتكىزۋ جوسپارلانۋدا.
«بيىل كوللەدجدەر جۇمىس بەرۋشىلەرمەن بىرگە 2 مىڭنان استام ءبىلىم بەرۋ باعدارلاماسىن ازىرلەيدى، 1،5 مىڭ پەداگوگ ءوندىرىس بازاسىندا تاعىلىمدامادان وتەدى. ناتيجەسىندە بيزنەسپەن ىنتىماقتاستىق جاڭا دەڭگەيگە كوتەرىلىپ، كوللەدجدەر ناقتى ەكونوميكا سالالارى ءۇشىن جۇمىسشى مامان دايارلاۋدىڭ نەگىزگى بۋىنىنا اينالادى»، — دەپ اتاپ ءوتتى عاني بەيسەمبايەۆ.