بيلىك وكىلدەرى ەلىمىزدە ساۋدا نىساندارىن كۇردەلى كەزەڭدە باعانى قولدان وسىرمەۋگە شاقىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇل تۋرالى اگەنتتىكتىڭ باسپا ءسوز قىزمەتى ءمالىم ەتتى.
«نەگىزگى ازىق-تۇلىكتەر قورى ەلىمىزدە جەتكىلىكتى. قازىرگى ۋاقىتتا ساۋدا جانە ينتەگراسيا مينيسترلىگى وڭىرلەردىڭ اكىمدىكتەرى مەن ساۋدا وبەكتىلەرىمەن بىرلەسىپ، ازىق-تۇلىك تاۋارلارىن ەلدى مەكەندەرگە ءۇزىلىسسىز جەتكىزۋدى قامتاماسىز ەتۋدە. ءبىرقاتار ەلدى مەكەندەردە بۇزاقىلىق ارەكەتتەردەن زارداپ شەككەن كەيبىر ساۋدا نىساندارىنىڭ جۇمىسى توقتاپ تۇر. سونداي-اق كونترتەرروريستىك وپەراسيا بەلسەندى ءجۇرىپ جاتقان ورىنداردا جەكە ساۋدا وبەكتىلەرى ءالى دە جابىق. ساۋدا جانە ينتەگراسيا مينيسترلىگى، باسەكەلەستىكتى قورعاۋ جانە دامىتۋ اگەنتتىگى نەگىزگى تاعام تاۋارلارىنا، دارى-دارمەك پەن جانار-جاعار ماي باعاسىن الىپ-ساتارلىق ارقىلى قولدان ءوسىرىپ، اجيوتاج تۋدىرماۋعا شاقىرادى. اگەنتتىك ازىق-تۇلىك باعاسىنا كۇن سايىن مونيتورينگ جۇرگىزەدى»، - دەلىنگەن اگەنتتىكتىڭ مالىمەتىندە.
اتالعان تاۋار باعاسىن قولدان ءوسىرۋ فاكتىلەرىنە تاپ بولعاندار جەدەل جەلىنىڭ مىنا نومىرلەرىنە حابار بەرە الادى: نۇر-سۇلتاندا (87172) 74-96-64، 74-34-01، 74-31-26، 74-90-52 (قوڭىراۋلار نۇر-سۇلتان ۋاقىتى بويىنشا ساعات 9-00-دەن 18-30-عا دەيىن قابىلدانادى)، ءموبيلدى نومىرلەر 8-705-231-24-23، 8-776-458-88-85، 8-708-883-02-62، 8-701-369-61-28 (نۇر-سۇلتان ۋاقىتى بويىنشا ساعات 22-00-گە دەيىن).