قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بەرىك ءۋالي كەيىنگى شەشىمدەرى مەن ۇندەۋلەرى بويىنشا بلوگوسفەرادا ءارتۇرلى سيپاتتاعى الىپقاشپا اڭگىمەلەرگە قاتىستى مالىمدەمە جاسادى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بۇل تۋرالى اقوردانىڭ باسپا ءسوز قىزمەتى BAQ.KZ تىلشىسىنە تەلەفون ارقىلى حابارلادى.
- مەملەكەت باسشىسىنىڭ كەيىنگى شەشىمدەرى مەن ۇندەۋلەرى بويىنشا بلوگوسفەرادا ءارتۇرلى سيپاتتاعى تۇسىندىرمەلەر جاريالانۋدا. وسىعان بايلانىستى مىناداي مالىمدەمە جاساۋ قاجەت دەپ سانايمىن: قاسىم-جومارت توقايەۆ – مەملەكەتىمىزدەگى ەڭ جوعارى لاۋازىمدى تۇلعا جانە قاۋىپسىزدىك كەڭەسىنىڭ ءتوراعاسى. سوندىقتان مەملەكەت باسشىسى دەربەس شەشىم قابىلدايدى، – دەلىنگەن بەرىك ءۋاليدىڭ مالىمدەمەسىندە.
سونىمەن قاتار ول مەملەكەت باسشىسىنىڭ بارلىق ۇندەۋدى ءوزى جازاتىنىن اتاپ ءوتتى.
كونستيتۋسيالىق قۇرىلىمعا نۇقسان كەلتىرۋدى كوزدەگەن سودىرلاردىڭ قازاقستانعا شابۋىل جاساعان قايعىلى كۇندەرى دە وسىلاي بولعان. قاسىم-جومارت كەمەل ۇلى وتانداستارىمىزعا ءوزىنىڭ ۇندەۋلەرىن كەڭەسشىلەردىڭ كومەگىنسىز ادەتتەگىدەي ءوزى جازدى، – دەدى بەرىك ءۋالي.