18 جەلتوقساندا الماتىدا قازاق دەرماتولوگيا جانە ينفەكسيالىق اۋرۋلار عىلىمي ورتالىعى (قدياعو) جانە «ەپيدەميالىق باقىلاۋعا قول جەتكىزۋ جانە قولداۋ» (USAID) ەpiس جوباسى «PrEP. Prەر (كدپ) تۋرالى حاباردارلىقتى ارتتىرۋعا باعىتتالعان «ءومىر ىرعاعىندا بولۋ ءوز قولىڭدا» اتتى اقپاراتتىق ناۋقاندى باستادى، دەپ حابارلايدى aqshamnews.kz
PrEP نەمەسە كونتاكتىگە دەيىنگى پروفيلاكتيكا - ادامنىڭ يممۋنتاپشىلىق ۆيرۋسى ينفەكسياسىنسىز (ايتۆ) ادامدار ونى ۇنەمى قولدانعان جاعدايدا ايتۆ-نىڭ بەرىلۋىن بولدىرماۋدىڭ ءتيىمدى ءادىسى. كونتاكتىگە دەيىنگى پروفيلاكتيكانى تاڭداۋ - ينفەكسيا ءقاۋپى بار كەز كەلگەن ادام پايدالانا الاتىن قۇقىق. PrEP ءمانى - تەنوفوۆير/ەمتريسيتابين پرەپاراتىن كۇندەلىكتى قابىلداۋدا، ول تەگىن بەرىلەدى. الەمدىك زەرتتەۋلەر كورسەتكەندەي، PrEP پرەپاراتتارى ايتۆ جۇقتىرۋ ءقاۋپىن 99%-عا تومەندەتەدى.
"- وزدەرىڭىز بىلەتىندەي، ەلدە ايتۆ نەگىزىنەن حالىقتىڭ نەگىزگى توپتارىندا تارالادى. سوندىقتان، PrEP، ەڭ الدىمەن، ەسىرتكى قولداناتىن ادامدارعا، ەرمەن جىنىستىق قاتىناسقا تۇسەتىن ەركەكتەرگە، سەكس جۇمىسشىلارعا، ترانس ادامدارعا، ديسكوردانتتى جۇپتارعا (سەرىكتەستىڭ بىرىندە ايتۆ بار) قاتىستى. پرەپاراتتاردى ايتۆ-نىڭ الدىن الۋ جونىندەگى وڭىرلىك ورتالىقتاردان، ۇكىمەتتىك ەمەس قوعامدىق ۇيىمداردان تەگىن جانە قۇپيا تۇردە الۋعا بولادى. ميگرانتتار ءدارىحانالاردا ايتۆ-ينفەكسياسىنىڭ الدىن الۋ ورتالىقتارى نەمەسە جەكە مەديسينالىق ورتالىقتار دارىگەرلەرىنىڭ رەسەپتىسى بويىنشا ساتىپ الا الادى"، – دەپ اتاپ ءوتتى ءىس-شارانىڭ اشىلۋىندا قدياعو ديرەكتورىنىڭ مىندەتىن اتقارۋشى ۇلىقبەك مەدەۋبەكوۆ.
اقپاراتتىق ناۋقاننىڭ ماقساتى-كۇندەلىكتى ءومىردىڭ ءبىر بولىگى رەتىندە PrEPء-تى نورماعا اينالدىرۋ جانە ايتۆ-نىڭ الدىن الۋعا سانالى كوزقاراستى قالىپتاستىرۋ. باستاما حاباردارلىق دەڭگەيىن ارتتىرۋعا، ادامداردى ستيگماعا بايلانىستى كەدەرگىلەردى ازايتۋعا جاۋاپتى شەشىمدەر قابىلداۋعا ىنتالاندىرۋعا باعىتتالعان. ناۋقان 18 جاستان اسقان ادامدارعا باعىتتالعان جانە PrEP قولدانۋ توڭىرەگىندەگى ستيگمانى ازايتۋعا باعىتتالعان، ونى ءوز دەنساۋلىعىن قورعاۋ ءۇشىن بەلگىلى جانە قول جەتىمدى تاڭداۋ رەتىندە كورسەتەدى. ناۋقاننىڭ كورنەكى تۇجىرىمداماسى PrEPء-تى قولدانۋدىڭ قاراپايىمدىلىعى مەن ىڭعايلىلىعىنا باسا نازار اۋدارادى، ونى جارقىن فوتو جانە بەينەكونتەنتپەن تولىقتىرادى.
جىل بويىنا جالعاساتىن اقپاراتتىق ناۋقاننىڭ نەگىزگى ساتتەرى: اۋديتوريانى PrEP ارتىقشىلىقتارى مەن قولجەتىمدىلىگى تۋرالى حاباردار ەتۋ، بلوگەرلەردىڭ قاتىسۋىمەن تانىمال ەتۋ، الەۋمەتتىك جەلىلەردە كەشەندى جىلجىتۋ.
"PrEP. ءومىر ىرعاعىندا بولۋ ءوز قولىڭدا" PrEP سياقتى يننوۆاسيالىق پروفيلاكتيكالىق ادىستەردىڭ قولجەتىمدىلىگى مەن قولايلىلىعىن قامتاماسىز ەتە وتىرىپ، قازاقستاندا ايتۆ-ينفەكسياسىنا قارسى ءىس-قيمىل جونىندەگى ۇلتتىق ستراتەگيانى ىسكە اسىرۋعا باعىتتالعان كۇش-جىگەردى قولدايدى.