الماتىدا شوب تاعى 2 مىڭ جاڭا جوبالارىن قولداۋ ءۇشىن 70 ملرد تەڭگەدەن استام قاراجات بولىنەدى
940 مىڭنان استام الماتىلىقتار شوب سالاسىندا جۇمىس ىستەيدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى اكىمى ەربولات دوسايەۆ مالىمدەدى، دەپ حابارلايدى aqshamnews.kz
الماتى ەكونوميكاسىن ءارتاراپتاندىرۋدىڭ باستى درايۆەرى شاعىن جانە ورتا بيزنەستى دامىتۋ بولىپ تابىلادى.
"بۇگىندە بۇل سالادا قالادا جۇمىسپەن قامتىلعانداردىڭ جالپى سانىنىڭ 85% - دان استامى نەمەسە 942 مىڭعا جۋىق الماتىلىقتار جۇمىس ىستەيدى"، - دەپ اتاپ ءوتتى قالا باسشىسى.
شوب-تى دامىتۋعا 2024 جىلى بيۋدجەتتەن 1،8 مىڭ جاڭا جوبانى قولداۋ ءۇشىن 53،1 ملرد تەڭگە ءبولىندى، 2025 جىلعا 71 ملرد تەڭگە ءبولۋ جوسپارلانۋدا، بۇل شوب-تىڭ تاعى 2 مىڭ جاڭا جوباسىن قولداۋعا مۇمكىندىك بەرەدى.
"ءبىزدىڭ ماقساتىمىز – قالا ەكونوميكاسىنا شاعىن جانە ورتا بيزنەستىڭ ۇلەسىن 2024 جىلعى 60% - دان 2030 جىلعا قاراي 75% - عا دەيىن ارتتىرۋ"، - دەپ اتاپ ءوتتى ەربولات دوسايەۆ.