الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە جۋرناليستەر سۇراعىنا جاۋاپ بەرە وتىرىپ، ارىق جەلىلەرىن اۋقىمدى جاڭعىرتۋ جۇمىستارى تۋرالى ايتتى، دەپ حابارلايدى aqshamnews.kz
"2022 جىلى ءبىز اۋديت جۇرگىزىپ، تۇراقتى سۋ باسۋ ءقاۋپى بار 142 ۋچاسكەنى انىقتادىق. سوڭعى ەكى جىلدا بۇل ۋچاسكەلەردى تولىعىمەن جويۋعا قول جەتكىزدىك. 125 كم ارىق جەلىلەرى سالىندى جانە جاڭعىرتىلدى. 2025 جىلى تاعى 180 كم جەلىنى جاڭعىرتۋ جۇمىستارىن اياقتاۋ جوسپارلانۋدا"، – دەدى قالا باسشىسى.
ەربولات دوسايەۆتىڭ ايتۋىنشا، اتقارىلعان جۇمىستاردىڭ ارقاسىندا 2025 جىلعا قاراي الماتىداعى جاڭعىرتىلعان ارىق جەلىلەرىنىڭ ۇلەسى 80%-عا جەتەدى.
بۇل جوبا قالالىق ينفراقۇرىلىمدى جاقسارتۋ جانە سۋ تاسقىنىنىڭ الدىن الۋ بويىنشا كەشەندى باعدارلامانىڭ ءبىر بولىگى بولىپ تابىلادى جانە قالا تۇرعىندارىنىڭ قاۋىپسىزدىگى مەن جايلىلىعىن قامتاماسىز ەتەدى.