استانادا تمد پارلامەنتارالىق اسسامبلەياسىنىڭ اگرارلىق ساياسات، تابيعي رەسۋرستار جانە ەكولوگيا سالاسىنداعى تۇراقتى كوميسسياسىنىڭ وتىرىسى ءوتتى.
وعان تمد مەملەكەتتەرىنەن: ءازىربايجان ، ارمەنيا، بەلارۋس، قىرعىز، تاجىكستان، وزبەكستان رەسپۋبليكالارىنان پارلامەنتتىك دەلەگاسيالاردىڭ باسشىلارى قاتىستى، دەپ حابارلايدى aqshamnews.kz اشم سايتىنا سىلتەمە جاساپ.
ساپار اياسىندا پارلامەنتارالىق دەلەگاسيا مۇشەلەرى ق ر اۋىل شارۋاشىلىعى ءمينيسترىنىڭ مىندەتىن اتقارۋشى ازات سۇلتانوۆپەن كەزدەستى.
«تمد بىرلەسكەن شەشىمدەر ازىرلەۋ، اقپارات الماسۋ جانە اوك سالاسىنداعى كۇش-جىگەردى ۇيلەستىرۋ ءۇشىن نەگىزگى الاڭ بولىپ قالا بەرەدى. قازاقستان بارلىق قاتىسۋشى مەملەكەتتەردىڭ ءوزارا تيىمدىلىگى، تەڭدىگى جانە مۇددەلەرىن ەسكەرۋ قاعيداتتارىن قولدايدى، بۇل سىندارلى ءوزارا ءىس-قيمىلعا جانە ينتەگراسيانى كەڭەيتۋگە ىقپال ەتەدى. ءوزىنىڭ ايتارلىقتاي اگرارلىق الەۋەتىنىڭ ارقاسىندا ەلىمىز ءوڭىردى ساپالى جانە قولجەتىمدى اۋىل شارۋاشىلىعى ونىمدەرىمەن قامتاماسىز ەتۋ ماسەلەلەرىندە تمد ەلدەرى ءۇشىن سەنىمدى سەرىكتەس بولىپ قالا بەرەدى»، - دەپ اتاپ ءوتتى ازات سۇلتانوۆ.
كەزدەسۋگە قاتىسۋشىلار اگروونەركاسىپتىك كەشەندى دامىتۋ، اوك-دەگى تمد ەلدەرىنىڭ ءوزارا ءىس-قيمىلى مەن ىنتىماقتاستىعى، حالىقتى ازىق-تۇلىك قاۋىپسىزدىگىمەن قامتاماسىز ەتۋدە مەملەكەتتىك قولداۋ، اوك جانە باسقا سالالارداعى زاڭنامانى جەتىلدىرۋ جانە بىرىزدەندىرۋ ماسەلەلەرىن تالقىلادى.
سونداي-اق، ۆەتەرينارلىق قاۋىپسىزدىك، اگرارلىق سەكتور ءۇشىن كادرلار دايارلاۋ جانە ت.ب. ماسەلەلەر بويىنشا پىكىر جانە ۇسىنىستارمەن الماستى.