قازاقستان تجم قىزمەتكەرلەرى ورتكە قارسى جانە قۇتقارۋ تەحنيكاسى سالاسىنداعى الەمدىك كوشباسشىلاردىڭ ءبىرى — لەوندينگ قالاسىنداعى Rosenbauer كومپانياسىنىڭ وندىرىستىك الاڭىندا بولدى.
جەرگىلىكتى جەردە ماماندار زاماناۋي ءورت ءسوندىرۋ ماشينالارى مەن ەكيپيروۆكالاردىڭ قالاي جاسالاتىنىن، سىزبالار مەن ماتەريالداردى تاڭداۋدان باستاپ تۇپكىلىكتى قۇراستىرۋعا دەيىن ەگجەي-تەگجەيلى قاراستىردى. ەلەكتروموبيلدەردىڭ بەلسەندى دامۋىن جانە قۇتقارۋشىلاردىڭ قاۋىپسىزدىگىنە قويىلاتىن تالاپتاردى ەسكەرە وتىرىپ ازىرلەنگەن تەحنولوگيالارعا ەرەكشە نازار اۋدارىلدى.
قازاقستاندىق دەلەگاسيا ءورت دۋلىعالارى مەن جاۋىنگەرلىك كيىمدەر ءوندىرىسىنىڭ قالاي ۇيىمداستىرىلعانىن كوردى، وندا ءار بولشەك جوعارى تاۋەكەل جاعدايىندا سەنىمدى قورعانىش پەن جايلىلىق ءۇشىن ويلاستىرىلعان.
مۇنداي تاجىريبە وزىق شەشىمدەردى قابىلداۋعا عانا ەمەس، ەلدەگى ازاماتتىق قورعاۋدىڭ تەحنيكالىق بازاسىن نىعايتۋعا باعىتتالعان ۇزاق مەرزىمدى ىنتىماقتاستىقتى دا قۇرۋعا، سونداي-اق وندىرۋشىلەرگە شىعارىلاتىن ءونىمنىڭ ساپاسىنا قويىلاتىن تالاپتاردى ارتتىرۋعا مۇمكىندىك بەرەدى.