2025 جىلى قازاقستان ۇكىمەتى ەكونوميكانىڭ ناقتى سەكتورىن جەدەل دامىتۋعا سەنىممەن كىرىستى. مەملەكەت IT مەن لوگيستيكادان باستاپ، تاماق ونەركاسىبى، قۇرىلىس، ماشينا جاساۋ مەن حيمياعا دەيىنگى باستى سالالارداعى شاعىن جانە ورتا بيزنەستىڭ ينۆەستيسيالىق جوبالارىنا اشىق تاپسىرىس جاريالادى. مىندەت-شاعىن بيزنەستى ورتا جانە ءىرى بيزنەستىڭ دەڭگەيىنە جەتكىزۋ.
كاسىپكەرلەرگە "دامۋ" قورى ايتارلىقتاي قولداۋ كورسەتۋدە. اتاپ ايتقاندا، نەسيەگە كەپىلدىك بەرۋ كولەمى ەداۋىر ارتتى. ەندى كەپىل جەتكىلىكسىز بولسا، مەملەكەت جوبانىڭ 85%-عا دەيىنگى قۇنىن جابادى. سونىڭ ارقاسىندا، ەلىمىزدە جاڭا وندىرىستەردى ىسكە قوسۋعا مۇمكىندىك ارتادى.
بۇل ساياساتتىڭ ناتيجەسى دە ءىس جۇزىندە بەلگىلى بولۋدا. 2010 جىلدان بەرى "دامۋدىڭ" قولداۋىمەن حيميا ونەركاسىبى سالاسىنداعى 512 جوباعا 195 ملرد تەڭگە بەرىلگەن. 30،4 ملرد.سۋبسيديا تولەندى. الماتى، اقتوبە، پاۆلودار مەن الماتى وبلىستارىندا ەڭ كوپ جوبا جۇزەگە اسىرىلدى.
وسىنداي وندىرۋشىلەرىمىز ءوز جەتىستىگى مەن ءونىمىن وسى كۇندەرى استاناداعى EXPO حالىقارالىق كورمە ورتالىعىندا ءوتىپ جاتقان VIII جىلسايىنعى "Ulttyq ónim" كورمەسىندە پاش ەتۋدە. وعان ەلىمىزدىڭ بارلىق وڭىرىنەن 350 كاسىپورىن كەلگەن ەكەن.
بۇلاردىڭ قاتارىندا ماڭعىستاۋلىق "كاسپييگرۋپپ" كومپانياسى بار. ول ىدىس جۋۋعا ارنالعان جۋعىش زاتتان باستاپ، تۇرمىستىق حيميانىڭ كەڭ اسسورتيمەنتىن شىعارادى: جۋعىش ۇنتاقتار، وتتەگى اعارتقىشتارى، گەلدەر مەن سۇيىق زاتتار. وندىرىستىك الاڭدار اقتاۋ مەن الماتىدا جۇمىس ىستەسە، ونىمدەرى قازاقستاننىڭ التى وڭىرىنە جەتكىزىلۋدە.
""دامۋ" رەسۋرسى ارقىلى مەملەكەتتىك قولداۋ بىزگە جىگەر مەن سەنىم بەرەدى. جاقىن ارادا سۋسابىندار، سابىندار جانە باسقا دا قۇرالدار شىعاراتىن جاڭا جەلىلەردى ىسكە قوسۋدى جوسپارلاپ وتىرمىز"، - دەيدى “كاسپييگرۋپپ" ساتۋ جونىندەگى مەنەدجەرى ارمين پاۆيز.
ءوز ءونىمىن وندىرەتىن كەلەسى قاتىسۋشى استانالىق "Yarko" كومپانياسى. ول ۇدايى ءوسىپ، دامۋ ارقىلى قاناتىن كەڭگە جايۋدا.
"2013 جىلى ءبىز 3000 بوتەلكە عانا جۋعىش زات ساتاتىن ەدىك. ءقازىر جىلىنا 470 000-ىن ساتامىز. "دامۋدىڭ" ارقاسىندا جاڭا نارىقتارعا شىقتىق. ءونىم تۇرلەرى كوبەيىپ، كولەمى دە ارتۋدا. الداعى ماقسات-ەلىمىزدەگى ءىرى ساۋدا جەلىلەرى"، - دەيدى كومپانيا وكىلى ەرىك جارماعامبەتوۆ.
"Yarko" ونىمدەرى بۇگىندە ەلوردالىق سو-لاردا قويىلعان. وڭىرلىك ديستريبيۋتورلار ارقىلى دا كەڭىنەن تاراتىلۋدا. كومپانيا سونىمەن قاتار "حالال" سەرتيفيكاتىنا يە. ۇلتتىق ستاندارتتارعا دا تولىقتاي سايكەس كەلەدى.
"Ulttyq ónim" كورمەسى مەملەكەتتىك قولداۋ ارقىلى تولىمدى تابىسقا قول جەتكىزۋدىڭ جارقىن ۇلگىسى بولا وتىرىپ، قازاقستاندىق بيزنەستى ورلەتۋدىڭ نەگىزگى الاڭى بولىپ قالا بەرەدى.