قازاقستان قۇراماسى 2025 جىلعى 10-17 مامىر ارالىعىندا رەسەيدىڭ سوچي قالاسىنداعى «سيريۋس» ءبىلىم بەرۋ ورتالىعىندا وتكەن بيولوگيا ءپانى بويىنشا اشىق حالىقارالىق وليمپيادادا (Open International Biology Olympiad، OIBO) جوعارى ناتيجە كورسەتتى.
14 ەلدەن جينالعان جاس بيولوگتار تەوريالىق، جەكە پراكتيكالىق جانە بيىل العاش رەت ەنگىزىلگەن جوبالىق (توپتىق) ءۇش كەزەڭدە ب ا ق سىنادى. قازاقستان قۇراماسى رەسپۋبليكالىق وليمپيادا جەڭىمپازدارىنان جاساقتالىپ، ەكى التىن، ءتورت كۇمىس مەدال جەڭىپ الدى، سونداي-اق كوماندالىق جوبالىق تۋردا دا ءبىرىنشى ورىندى يەلەندى.
جەڭىمپازدار:
باتىر ەرجان ۇلى – 11-سىنىپ، نازاربايەۆ زياتكەرلىك مەكتەبى، شىعىس قازاقستان وبلىسى؛
ەرسۇلتان قايىركەن – 10-سىنىپ، «ءبىلىم-يننوۆاسيا» ليسەي-ينتەرناتى، پاۆلودار وبلىسى؛
ءاليحان اشيرحانوۆ – 8-سىنىپ، «ءبىلىم-يننوۆاسيا» ليسەي-ينتەرناتى، الماتى قالاسى؛
دميتريي تيتكوۆ – 10-سىنىپ، №3 دارىندى بالالارعا ارنالعان گيمنازيا، پاۆلودار وبلىسى؛
الىمۇحاممەد سامات ۇلى – 9-سىنىپ، «ءبىلىم-يننوۆاسيا» ليسەي-ينتەرناتى، پاۆلودار وبلىسى؛
ەگور مەنگۋلوۆ – 10-سىنىپ، №8 ورتا مەكتەپ، كوكشەتاۋ قالاسى، اقمولا وبلىسى.
قۇراما جەتەكشىسى – ايگۇل كاركۋلوۆا، ق ر وقۋ-اعارتۋ مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعى ديرەكتورىنىڭ ورىنباسارى.
OIBO حالىقارالىق وليمپياداسى وقۋشىلاردىڭ بيولوگيا جانە بيوتەحنولوگيا سالالارىنداعى زاماناۋي ماسەلەلەردى شەشۋگە دەگەن قىزىعۋشىلىعىن ارتتىرۋدى، عىلىمي كوكجيەكتەرىن كەڭەيتۋدى، وندىرىستىك سەرىكتەستەرمەن ىنتىماقتاستىقتى جانە حالىقارالىق تاجىريبە الماسۋدى دامىتۋدى ماقسات ەتەدى.
ايتا كەتەيىك، وليمپيادا الدىندا قازاقستان قۇراماسى ۇيىمداستىرۋشىلاردىڭ شاقىرۋىمەن «سيريۋس» ورتالىعى بازاسىندا ون كۇندىك حالىقارالىق وقۋ-جاتتىعۋ جيىندارىنان وتكەن بولاتىن.