قازاقستان سپورتشىلارى ازيا ويىندارىندا رەكوردتىق مەدال جينادى

قازاقستان جاس سپورتشىلارى ماناما قالاسىندا (باحرەين) وتكەن 2025 جىلعى جاسوسپىرىمدەر اراسىنداعى ازيا ويىندارىن تاريحتاعى ەڭ ۇزدىك ناتيجەمەن اياقتادى، دەپ حابارلايدى Aqshamnews.kz ءتىلشىسى.

قازاقستان – ازيا ويىندارىندا ۇزدىك ۇشتىكتە

جالپى ۇلتتىق كوماندا قورجىنىندا 93 مەدال بار:

• 24 التىن،

• 29 كۇمىس،

• 40 قولا.

بۇل كورسەتكىش – قازاقستاننىڭ جاسوسپىرىمدەر ازيا ويىندارىنداعى رەكوردتىق ناتيجەسى.

ەڭ كوپ مەدال – دزيۋدودان

قازاقستانعا ەڭ كوپ جۇلدە اكەلگەن سپورت ءتۇرى – دزيۋدو. ءبىزدىڭ تاتامي شەبەرلەرى 14 مەدال جەڭىپ الدى:

• 4 التىن،

• 5 كۇمىس،

• 5 قولا.

بوكسشىلار – التىن سانى بويىنشا كوشباسشى

بوكستان قازاقستان قۇراماسى 5 التىن مەدال ەنشىلەپ، التىن سانى بويىنشا ەڭ جوعارى ناتيجە كورسەتتى. سونىمەن قاتار، بوكسشىلار 3 كۇمىس پەن 2 قولاعا قول جەتكىزدى.

تاريحي جەتىستىك

قازاقستان سپورتشىلارى مەدال سانى بويىنشا دا، سپورتتىق شەبەرلىك ساپاسى بويىنشا دا ەل تاريحىنداعى ەڭ تابىستى كورسەتكىشكە قول جەتكىزدى.

ايتا كەتەيىك، بۇعان دەيىن قازاقستاندىق بوكسشىلاردىڭ ازيا ويىندارىندا 5 التىن مەدال جەڭىپ العانى حابارلانعان ەدى.