«تازا قازاقستان» ەكولوگيالىق باعدارلاماسىن ىسكە اسىرۋ بارىسىندا الماتى قالاسىنىڭ مامانداندىرىلعان تابيعات قورعاۋ پروكۋراتۋراسى الماتى قالاسى ەكولوگيا جانە قورشاعان ورتا باسقارماسىمەن جانە «ىلە-الاتاۋ» مەملەكەتتىك ۇلتتىق تابيعي ساياباعىمەن رمم-مەن بىرلەسىپ، ايۋساي شاتقالىندا ەكولوگيالىق سەنبىلىك وتكىزەدى.
ءىس-شارانىڭ ماقساتى – تابيعي اۋماقتاردىڭ سانيتارلىق جاعدايىن جاقسارتۋ، ەكولوگيالىق مادەنيەتتى ارتتىرۋ جانە جانە ءاربىر جاننىڭ قورشاعان ورتانى قورعاۋعا دەگەن دەگەن جاۋاپكەرشىلىگىن كۇشەيتۋ.
سەنبىلىك اياسىندا ۇلتتىق پارك اۋماعىنان تۇرمىستىق قالدىقتاردى جيناۋ، جينالعان قوقىستى پوليگونعا شىعارۋ، سونداي-اق، تابيعاتقا جاۋاپكەرشىلىكپەن قاراۋ قاعيدالارى بويىنشا ءتۇسىندىرۋ جۇمىستارى جۇرگىزىلەدى.
اكسياعا مەملەكەتتىك ورگانداردىڭ، ەكولوگيالىق ۇيىمداردىڭ، وقۋ ورىندارىنىڭ، بيزنەس-قوعامداستىقتىڭ وكىلدەرى جانە قالا تۇرعىندارى قاتىسادى. مۇنداي ءىس-شارالار ەكولوگيالىق مادەنيەتتى قالىپتاستىرۋعا جانە قورشاعان ورتانى قورعاۋ سالاسىندا مەملەكەت پەن قوعام سەرىكتەستىگىن نىعايتۋعا ىقپال ەتەدى.
وتەتىن كۇنى مەن ۋاقىتى:
2025 جىلى 1 قاراشا، باستالۋى ساعات 09:00
وتەتىن ورنى:
ايۋساي شاتقالى، «ىلە-الاتاۋ» مەملەكەتتىك ۇلتتىق تابيعي ساياباعىنىڭ اۋماعى
قاتىسۋشىلاردىڭ جينالۋ ورنى:
08:00 – تۇڭعىش پرەزيدەنت ساياباعى جانىنداعى اۆتوتۇراق (ءال-فارابي داڭعىلى مەن دۋلاتي كوشەسىنىڭ قيىلىسى).
قاتىسۋشىلار ءۇشىن بىرنەشە اۆتوبۋس ۇيىمداستىرىلادى.
ۇيىمداستىرۋشىلار الماتى تۇرعىندارى مەن قوناقتارىن ەكولوگيالىق اكسياعا قاتىسىپ، قالامىزدىڭ تابيعي بايلىعىن ساقتاۋعا ۇلەس قوسۋعا شاقىرادى.
بايلانىس ءنومىرى:
ەركەبۇلان ەرتايەۆ – قالدىقتاردى باسقارۋ ءبولىمىنىڭ باس مامانى
تەل.: +7 (700) 090-25-00