قازاقستان قۇراماسى الەم چەمپيونى اتاندى

قاراعاندى قالاسىندا ءورت ءسوندىرۋ-قۇتقارۋ سپورتى بويىنشا الەم چەمپيوناتى ءوتتى. 

قازاقستان قۇراماسى جاۋىنگەرلىك قانات جايۋدا الەم چەمپيونى اتاندى، دەپ حابارلايدى Almaty-akshamy.kz ق ر تجم باسپا ءسوز قىزمەتىنە سىلتەمە جاساپ.
بۇگىن قاراعاندى قالاسىندا ءورت ءسوندىرۋ-قۇتقارۋ سپورتى بويىنشا الەم چەمپيوناتى اياسىندا جارىستىڭ سوڭعى كەزەڭى ءوتتى.

9 ەرلەر جانە 5 ايەلدەر كومانداسى جاۋىنگەرلىك قانات جايۋداعى بىرىنشىلىك ءۇشىن كۇرەستى. ءورت ءسوندىرۋ-قۇتقارۋ سپورتىنىڭ بۇل كوماندالىق ءتۇرى ورتكە كەلگەن كەزدە ءورت سوندىرۋشىلەردىڭ ىس-ارەكەتتەرىن يميتاسيالايدى. بۇل كەزەڭنىن ءمانى - ماگيسترالدىق جەڭ جەلىسىن تەز جانە دۇرىس توسەۋ جانە نىساندى سۋ اعىنىمەن «زاقىمداۋ». نىسانا ورتاسىنداعى تەسىك ارقىلى سىيىمدىلىقتى ون ليتر سۋ تولتىرعاننان كەيىن زاقىمدانعان بولىپ سانالادى.
ەرلەر كوماندالارى اراسىنداعى جارىس 25،55 سەكۋند ناتيجەسىمەن قازاقستان رەسپۋبليكاسىنىڭ قۇراما كومانداسىنىڭ جەڭىسىمەن اياقتالدى.
2 ورىندى 26،85 سەكۋند ناتيجەسىمەن چەح رەسپۋبليكاسىنىڭ كومانداسى يەلەندى. 3 ورىندا 27،14 سەكۋند ناتيجەسىمەن اۆستريا رەسپۋبليكاسىنىڭ قۇراماسى.
تارتىستى كۇرەس قورىتىندىسى بويىنشا ايەلدەر كوماندالارى اراسىندا 1 ورىندى 26،35 سەكۋند ناتيجەسىمەن چەح رەسپۋبليكاسىنىڭ كومانداسى يەلەندى. 2ء-شى ورىندا 26،67 سەكۋند ناتيجەسىمەن بەلارۋس رەسپۋبليكاسىنىڭ كومانداسى. ءۇشىنشى ورىندى 27،04 سەكۋند ناتيجەسىمەن قازاقستان رەسپۋبليكاسىنىڭ كومانداسى يەلەندى.