جەكسەنبى كۇنى گۆينەيا رەسپۋبليكاسىندا مەملەكەتتىك توڭكەرىس جاساۋعا ارەكەت جاسالعانى تۋرالى Jeune Afrique جۋرنالى ءوز پورتالىندا جازدى، دەپ حابارلادى Almaty-akshamy.kz Baq.kz سىلتەمە جاساپ.
مۇنىڭ الدىندا Reuters اگەنتتىگى قولىندا قارۋى بار اسكەريلەر گۆينەيا استاناسى كوناكريدەگى پرەزيدەنت سارايىنىڭ الدىندا تۇرعانىن حابارلاعان بولاتىن. پرەزيدەنت سارايى ورنالاسقان كوناكريدىڭ سولتۇستىگىنەن ۇكىمەت كۆارتالىنا دەيىن قالانىڭ وڭتۇستىگىنە اپاراتىن جالعىز تاس جولدى جاۋىنگەرلەر جاۋىپ تاستاعان. جوعارى لاۋازىمداعى شەنەۋنىك اگەنتتىككە گۆينەيا پرەزيدەنتى الفا كوندە امان ەكەنىن ايتتى.
ال بۇعان دەيىن Agence France-Presse جەكسەنبى كۇنى كوناكري قالاسىنىڭ ۇكىمەتتىك كۆارتالىندا اتىس بولىپ، اۆتوماتتان دۇركىن دۇركىن وق اتىلعانىن حابارلاعان بولاتىن. كوپتەگەن سارباز كوشەدە ءجۇر. ولار ءوتىپ بارا جاتقانداردان تەز ارادا ۇيلەرىنە قايتۋدى جانە سىرتقا شىقپاۋدى تالاپ ەتۋدە.