سۋ باسۋ ءقاۋپىن ازايتۋ جانە حالىقتىڭ قاۋىپسىزدىگىن قامتاماسىز ەتۋ ماقساتىندا سۋ تاسقىنى ءقاۋپى بار ۋچاسكەلەردە سۋ تاسقىنىنا قارسى ءىس-شارالار جالعاسۋدا. بۇل ءىس-شارالارعا ازاماتتىق قورعاۋ قىزمەتتەرى جۇمىلدىرىلدى.
بيىلعى جىلدىڭ 1 ناۋرىزىنان باستاپ 5،4 ميلليوننان استام تەكشە مەتر سۋ سورىلدى، 855 مىڭ قاپشىق جانە 44 مىڭ توننا ينەرتتى ماتەريالدار توسەلدى. سونىمەن قاتار 843 مىڭنان استام مەتر سۋ بۇرۋ ارىقتارىن تازارتۋ جۇمىستارى جۇرگىزىلدى، دەپ حابارلايدى aqshamnews.kz.
سۋ تاسقىنى كەزەڭىندە 638 ادام، ونىڭ ىشىندە 139 بالا ەۆاكۋاسيالاندى. 380 ادام، ونىڭ 101 بالا ۇيلەرىنە ورالدى. 252 ادام، ونىڭ ىشىندە 38 بالا ۋاقىتشا ورنالاستىرۋ پۋنكتەرى مەن تۋىستارىنىڭ ۇيلەرىندە.
سولتۇستىك قازاقستان وبلىسىنداعى اۆتوموبيل جولدارىنىڭ 3 ۋچاسكەسىندە تاسىعان سۋ باقىلاۋدا. 1 ەلدى مەكەن كولىك قاتىناسىنسىز قالۋدا، بۇل سولتۇستىك قازاقستان وبلىسىنىڭ پريبرەجنوە اۋىلى، وندا تۇرعىندار ءۇشىن وتكەل قامتاماسىز ەتىلگەن.
قازىرگى ۋاقىتتا ەكى ءوڭىر باقىلاۋدا: سولتۇستىك قازاقستان، شىعىس قازاقستان وبلىستارى.
سولتۇستىك قازاقستان وبلىسىندا قىزىلجار اۋدانىنىڭ تەپليچنوە، پريبرەجنوە، ولشانكا، ۆاگۋلينو، سوكولوۆكا، بولشايا مالىشكا اۋىلدارى مەن پەتروپاۆل قالاسىنىڭ زارەچنىي كەنتىندە تۇرعىن ۇيلەردى سۋ باسۋ ءقاۋپىن بولدىرماۋ ماقساتىندا تاۋلىك بويى قورعانىش قۇرىلىستارىن سالۋ جانە نىعايتۋ ءۇشىن قاپشىقتاردى دايىنداۋ جانە توسەۋ جۇمىستارى جۇرگىزىلۋدە. پەتروپاۆل قالاسىنىڭ پريبرەجنوە اۋىلى مەن زارەچنىي كەنتىندە حالىقتى ءجۇزۋ قۇرالدارىنىڭ كومەگىمەن تاسىمالداۋ جۇزەگە اسىرىلۋدا. وبلىس اۋماعىندا سۋ تاسقىنىنا قارسى ءىس-شارالارعا تجم، ءىىم، ۇۇ، ءقورعانىسمينى، جاو كۇشتەرى مەن قۇرالدارى جەكە قۇرامىنان 2020 ادام، 159 بىرلىك تەحنيكا، 38 موتوپومپا جانە 25 ءجۇزۋ قۇرالى جۇمىلدىرىلدى. سونىمەن قاتار استانا ق.، اقمولا، قوستاناي وبلىستارىنان، تجم 52859 اسكەري بولىمىنەن، ازاماتتىق قورعاۋ اكادەمياسىنان قوسىمشا كۇشتەر مەن قۇرالدار تارتىلدى.
بولشايا مالىشكا اۋىلىندا ەسىل وزەنىندە سۋ دەڭگەيىنىڭ كوتەرىلۋى سالدارىنان قورعانىش-جەر بىلىگى جىرىلدى. اتالعان ەلدى مەكەندە 254 ءۇي بار، وندا 666 ادام تۇرادى، تۇرعىن ۇيلەردى سۋ باسقان جوق. جەر ءۇيىندىسى سالىنۋدا. حالىق جاياۋ تارتىپپەن جانە اۆتوموبيلدەرمەن قۇلاقتاندىرىلۋدا. تجد كۇشتەرى حالىقتى الدىن الا ەۆاكۋاسيالاۋدا. 148 ادام، ونىڭ ىشىندە 24 بالا ەۆاكۋاسيالاۋ پۋنكتتەرى مەن تۋىستارىنىڭ ۇيلەرىنە ەۆاكۋاسيالاندى، سونداي-اق 81 باس ءىرى قارا مال ءقاۋىپسىز جەرگە ايدالدى. زارداپ شەككەن حالىقتى قابىلداۋ پۋنكتتەرى انىقتالدى، قابىلداۋعا دايىن، وقيعا ورنىندا پسيحولوگ بار.
تەپليچنوە اۋىلىنىڭ تۇرعىندارى الدىن الا ەۆاكۋاسيالاندى. ۋاقىتشا ورنالاستىرۋ ءۇشىن ەۆاكۋاسيالىق پۋنكتتەر الدىن الا دايىندالدى. 48 ادام، ونىڭ ىشىندە 15 بالا ەۆاكۋاسيالاندى.
ەسىل وزەنىندە سۋ دەڭگەيىنىڭ كوتەرىلۋى سالدارىنان زارەچنوە اۋىلىنداعى تۇرعىن ۇيلەردى سۋ باسۋ ءقاۋپىن بولدىرماۋ ماقساتىندا سۋ سورۋ جانە سۋ تاسقىنى جاعدايىنا مونيتورينگىلەۋ جۇمىستارى جۇرگىزىلۋدە.
شىعىس قازاقستان وبلىسىندا ورتا تاۋلى اۋماقتا قاردىڭ ەرۋى، تاۋلاردىڭ وڭتۇستىك بەتكەيلەرىندە قاردىڭ ەرۋى جانە جاڭبىر تۇرىندە جاۋعان جاۋىن-شاشىن ەسەبىنەن سۋ تاسقىنىنىڭ ەكىنشى تولقىنى وتۋدە. بۇگىنگى تاڭدا وبلىستىڭ 27% اۋماعىندا قار جاتىر. وبلىستىڭ جازىق اۋماعىنىڭ باسىم بولىگىندە قار كەتكەنى بايقالدى. قار تەك مارقاكول اۋدانىندا عانا بار. وبلىستىڭ تاۋلى اۋماعىندا قار قورى نورماعا جاقىن. گيدرولوگيالىق جاعداي تۇراقتى. «قازگيدرومەتپەن» ءوزارا ءىس-قيمىلدا قاردىڭ جينالۋىنا، توپىراقتىڭ قاتۋ تەرەڭدىگىنە، سۋ ايدىندارىنداعى مۇزدىڭ قالىڭدىعىنا، سۋ دەڭگەيىنە، گيدروتەحنيكالىق قۇرىلىستاردىڭ تولىمدىلىعىنا مونيتورينگ جۇرگىزىلۋدە. 9 اەروۆيزۋالدى تەكسەرۋ، وزەندەردە جارىلىس جۇمىستارى جۇرگىزىلدى، 4940 سۋ وتكىزۋ قۇرىلىسى، 551 كم ارىقتار مەن كانالدار، 437 كوپىر تازارتىلدى.