ۆاشينگتوندا قازاقستان ۇكىمەتى مەن OpenAI كومپانياسى اراسىندا جاساندى ينتەللەكت تەحنولوگيالارىن ءبىلىم بەرۋ سالاسىنا ەنگىزۋگە باعىتتالعان ىنتىماقتاستىق تۋرالى مەموراندۋمعا قول قويىلدى، دەپ حابارلايدى aqshamnews.kz
جاساندى ينتەللەكت جانە سيفرلىق دامۋ مينيسترلىگى، “قازاقتەلەكوم” اق، Freedom Holding Corp. جانە OpenAI كومپانياسى سيفرلىق ءبىلىم بەرۋ مەن بولاشاق داعدىلارىن دامىتۋ سالاسىنداعى ۇزاق مەرزىمدى سەرىكتەستىكتىڭ نەگىزىن قالايتىن كەلىسىمگە قول قويدى.
مەموراندۋمنىڭ ارقاسىندا قازاقستاندىقتىق مۇعالىمدەر ءۇشىن ChatGPT Edu پلاتفورماسى قول جەتىمدى بولماق. بۇل ءبىلىم بەرۋ مەكەمەلەرىنە بەيىمدەلگەن ChatGPTء-تىڭ ارنايى نۇسقاسى. اتالعان پلاتفورما دەرەكتەردىڭ جوعارى دەڭگەيدەگى قاۋىپسىزدىگىن، اكىمشىلىك باقىلاۋ مۇمكىندىگىن قامتاماسىز ەتەدى جانە اقپاراتتى تالداۋعا، جەكە GPT-اسسيستەنتتەر جاساۋعا، سونداي-اق كۇندەلىكتى جۇمىستاردى اۆتوماتتاندىرۋعا ارنالعان كەڭەيتىلگەن قۇرالداردى قامتيدى.
ءۇش جىلدا قازاقستاندىق پەداگوگتەرگە جىل سايىن كەمىندە 165 000 OpenAI ليسەنزياسىن بەرۋ جوسپارلانىپ وتىر.
OpenAI وكىلى كيەۆين ءميللستىڭ ايتۋىنشا، جاساندى ينتەللەكتتى پايدالانۋ بۇكىل الەم مۇعالىمدەرىنە وقۋشىلاردىڭ وقۋىنا جانە دامۋىنا كوبىرەك كوڭىل بولۋگە مۇمكىندىك بەرەدى.
“قازاقستان ۇكىمەتىمەن جاسالعان بۇل كەلىسىم ەل مۇعالىمدەرىنە ChatGPTء-تى پايدالانىپ، جاساندى ينتەللەكتتىڭ ارتىقشىلىقتارىن مەكتەپتەرگە ەنگىزۋگە كومەكتەسەدى”، دەدى ول.
اتالعان باستاما قازاقستاننىڭ سيفرلىق ترانسفورماسيا جانە ادامي كاپيتالدى دامىتۋ جونىندەگى ۇلتتىق ستراتەگياسىن قولداي وتىرىپ، پەداگوگتەرگە وزىق حالىقارالىق تەحنولوگيالارعا قول جەتكىزۋگە جول اشادى. كەلىسىمدى ىسكە اسىرۋ يننوۆاسيالىق ويلاۋ، سىني تالداۋ جانە كرەاتيۆتىلىك داعدىلارىن دامىتۋعا، سونداي-اق پەداگوگتەردىڭ سيفرلىق قۇزىرەتتەرىن نىعايتۋعا ىقپال ەتەدى.