قازاقستان حالقىنىڭ بىرلىگى كۇنى الماتىنىڭ جەتىسۋ اۋدانىندا بىرەگەي ءىس-شارا ءوتتى. اينابۇلاق شاعىن اۋدانىنداعى №4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن - 1704 مەتر بولاتىن لاعمان دايىندالدى جانە بۇل فاكت قازاقستاننىڭ رەكوردتار كىتابىندا رەسمي تىركەلدى، دەپ حابارلايدى Aqshamnews.kz
بۇل جەتىستىك جاي عانا گاسترونوميالىق وقيعا ەمەس، كوپۇلتتى قوعامداعى بىرلىك پەن كەلىسىمنىڭ ناعىز سيمۆولىنا اينالدى. 19 كەلى ۇننان قامىر يلەندى، ال 50 - دەن استام قاتىسۋشى - اسپازدار مەن اۋدان تۇرعىندارىنىڭ كۇشىمەن تاعام ەكى ساعاتتىڭ ىشىندە دايىندالدى. ءتۇرلى ەتنوستاردىڭ وكىلدەرى ورتاق قازاقستاندىق داستارحان ءۇشىن بىرلىك رۋحىن كورسەتىپ، بىرلەسىپ جۇمىس ىستەدى.
قازاقستان رەكوردتار كىتابىنىڭ رەسمي وكىلى باقىتجان ءسابيت ۇلى: «لاعمان قانشا مەتر بولسا دا رەكورد ورناتىلدى، ويتكەنى مۇنداي ءىس-شارا ەلىمىزدە العاش رەت وتكىزىلىپ وتىر. ءبىز كەسپەنىڭ ۇزىندىعىن عانا ەمەس، ۇلتارالىق بايلانىستاردىڭ بەرىكتىگىن دە بەكىتەمىز»،- دەدى.
ءدال وسى كۇنى ءبىر ۇستەلگە قازاقتار، ۇيعىرلار، وزبەكتەر، دۇنگەندەر، كورەيلەر جانە باسقا ۇلت وكىلدەرى جينالدى. بىرەۋ قامىر يلەدى، بىرەۋ ونى جايدى. بۇل جينالعاندار ءۇشىن ناعىز مەرەكەگە اينالدى، وندا اركىم ءوزىن ۇلكەن، تاتۋ وتباسىنىڭ ءبىر بولىگى رەتىندە سەزىندى.
«قاتىسۋشىلاردىڭ الدىندا قامىردىڭ جىرتىلماۋىن قامتاماسىز ەتۋ قيىن مىندەتى تۇردى. قيىندىقتارعا قاراماستان، ءبىزدىڭ اسپازدار ونى وتە جاقسى ورىندادى»، - دەپ اتاپ ءوتتى الماتى قالاسى جەتىسۋ اۋدانى انالار كەڭەسىنىڭ ءتورايىمى راحيما وماروۆا.
اسپازدىق ءىس-شاراعا قاتىسۋشىلاردىڭ ءبىرى زۋحرا يزماسوۆا ءوز اسەرلەرىمەن ءبولىستى. ول جارىستىڭ قيىن بولعانىن مويىندادى: «ءسال اۋىر، تىم ۇزىن لاعمان، ءبىراق تاپسىرما نەعۇرلىم قيىن بولسا، سوعۇرلىم قىزىقتى بولادى» -، دەدى ول.
جەتىسۋ اۋدانىنىڭ ارداگەرلەر كەڭەسىنىڭ ءتورايىمى تامارا شاكىروۆا ءوز كەزەگىندە ءىس-شارانىڭ جۇمىسشى ماماندىقتار جىلىنا ارنالعانىن اتاپ ءوتتى: «جەتىسۋ اۋدانىندا كوپتەگەن قوعامدىق تاماقتانۋ ورىندارى شوعىرلانعان. بۇگىن شىعىس تاعامدارى اسپازشىلارىنىڭ جۇمىسى كورسەتىلدى. مۇنداي كەرەمەتتى اركىم جاساي المايدى. جۇمىسشى ماماندىقتارىن باعالاي ءبىلۋ كەرەك»،- دەدى ول.
ءىس-شارانى جەتىسۋ اۋدانىنىڭ تۇرعىندارى مەن ەتنومادەني ورتالىقتارى قازاقستان حالقىنىڭ بىرلىگى كۇنىنە وراي ۇيىمداستىردى. لاعمان جاي عانا ءدامدى تاعام عانا ەمەس، ورتاق مادەني جادىنىڭ، ءداستۇردىڭ، تاريحتىڭ جانە بولاشاقتىڭ سيمۆولىنا اينالدى، دەپ اتاپ ءوتتى جەتىسۋ اۋدانىنىڭ اكىمدىگىندە.