الاتاۋ اۋدانىنداعى “№1 بوبەكجاي-بالاباقشاسىنا” الماتى قالالىق ءماسليحاتىنىڭ دەپۋتاتتارى — بەگالين قايرات تالاپ ۇلى، قۋساينوۆ بەيبىت بۋلاتوۆيچ، بەكەنوۆا گۇلجان مىرزالى قىزى جانە الماتى قالالىق قوعامدىق كەڭەستىڭ مۇشەسى گاسانوۆ رافاەل رۋفيكوۆيچ ارنايى ىسساپارمەن كەلدى.
كەزدەسۋدىڭ ماقساتى — مەكتەپكە دەيىنگى ۇيىممەن تىكەلەي بايلانىس ورناتىپ، بالاباقشا ۇجىمىنىڭ كۇندەلىكتى تىنىس-تىرشىلىگىمەن، جۇمىس بارىسىمەن جان-جاقتى تانىسۋ. بۇل ساپار حالىق قالاۋلىلارى مەن قوعام وكىلدەرىنىڭ مەكتەپكە دەيىنگى ءبىلىم بەرۋ سالاسىنداعى وزەكتى ماسەلەلەردى ناقتى جەرىندە كورۋىنە، اتا-انالار مەن تاربيەشىلەردىڭ ۇسىنىس-پىكىرلەرىن ەستۋىنە مۇمكىندىك بەردى.
بالاباقشا ىشىندە تانىستىرۋ ەكسكۋرسياسى ۇيىمداستىرىلىپ، تاربيە بەرۋ پروسەسى كورسەتىلدى. سونىمەن قاتار، دوڭگەلەك ۇستەل فورماتىندا اشىق پىكىر الماسۋ بولىپ، مەكتەپكە دەيىنگى مەكەمەلەردى دامىتۋ، ماتەريالدىق-تەحنيكالىق بازانى جاقسارتۋ جانە تاربيەشىلەردىڭ جاعدايىن كوتەرۋ سىندى ماڭىزدى ماسەلەلەر تالقىلاندى.
بۇل كەزدەسۋ الداعى ۋاقىتتا اتقارىلاتىن جۇمىستاردىڭ باعىتتارىن ايقىنداپ، بالاباقشا مەن جەرگىلىكتى بيلىك اراسىنداعى بايلانىستى نىعايتۋدىڭ تاعى ءبىر قادامى بولدى.