دەنساۋلىق ساقتاۋ مينيسترلىگىندە ۆەدومستۆو باسشىسىنىڭ سۋبوڭىرلىك ۇيلەستىرۋشىمەن جانە قر-داعى كوشى-قون جونىندەگى حالىقارالىق ۇيىمنىڭ (حكۇ) ميسسياسىنىڭ باسشىسى سەرحان اقتوپىراق مىرزامەن كەزدەسۋى ءوتتى.
تاراپتار ميگرانتتار مەن بوسقىنداردىڭ دەنساۋلىعى ماسەلەسى بويىنشا ءوزارا ءىس-قيمىل مۇمكىندىكتەرىن، سونداي-اق قازاقستان اۋماعىندا ۇزاق مەرزىمدى بولۋدى جوسپارلايتىن ءوتىنىش بەرۋشىلەر ءۇشىن كوشپەلى دەنساۋلىقتى قاراپ-تەكسەرۋ باعدارلاماسىن تالقىلادى، دەپ حابارلايدى aqshamnews.kz دسم-گە سىلتەمە جاساپ.
كەزدەسۋ بارىسىندا اتاپ وتىلگەندەي، الەمدەگى قازىرگى زامانعى سىن-قاۋىپتەر مەن توتەنشە جاعدايلار جاعدايىندا «بارلىعىنا دەنساۋلىق» قاعيداتىن، ونىڭ ىشىندە بوسقىندار مەن كوشىپ-قونۋشىلار ءۇشىن ساقتاۋ ەرەكشە وزەكتى بولىپ تابىلادى.
قولدانىستاعى زاڭناماعا سايكەس قازاقستان اۋماعىندا تۇراقتى تۇراتىن كوشىپ-قونۋشىلار، شەتەلدىكتەر جانە ازاماتتىعى جوق ادامدار ق ر ازاماتتارىمەن تەڭ دارەجەدە تمككك الۋعا قۇقىلى.
ەل اۋماعىندا ۋاقىتشا بولعاندارعا كەلەتىن بولساق، ولارعا اينالاسىنداعىلارعا ءقاۋىپ توندىرەتىن اۋرۋلاردىڭ جەكەلەگەن جاعدايلارىندا عانا مەديسينالىق كومەك الۋعا كەپىلدىك بەرىلەدى. بۇل شارا قوعامدىق دەنساۋلىقتى قامتاماسىز ەتۋگە جانە ەل حالقىنا ءقاۋىپتى اۋرۋلاردىڭ تارالۋىن بولدىرماۋعا باعىتتالعان.
سونىمەن قاتار، بۇل ساناتتاعى ادامدار مەديسينالىق ساقتاندىرۋ شارتى شەڭبەرىندە مەديسينالىق كومەكتىڭ بەلگىلى ءبىر تۇرلەرىن الا الادى.
دەنساۋلىق ساقتاۋ ءمينيسترى اقمارال ءالنازاروۆا كوشىپ-قونۋشىلار مەن حالىقتىڭ موبيلدىك توپتارىنا قاتىستى پروفيلاكتيكالىق جانە ەمدەۋ شارالارىن كۇشەيتۋ بولىگىندە حكۇ باستامالارىنا قولداۋ ءبىلدىرىپ، وسى سالاداعى ودان ءارى ءوزارا ءىس-قيمىلدىڭ ماڭىزدىلىعىن اتاپ ءوتتى.