الماتى قالاسىنداعى № 2 قالالىق بالالار كلينيكالىق اۋرۋحاناسى 2024 جىلدىڭ قورىتىندىسى بويىنشا قازاقستان رەسپۋبليكاسىنىڭ مەديسينالىق ۇيىمدارى رەيتينگىندە كوپبەيىندى بالالار ستاسيونارلارىنىڭ اراسىندا ءبىرىنشى ورىندى يەلەندى.
722 مەديسينالىق ۇيىمنىڭ اراسىندا رەيتينگتىك باعالاۋ قورىتىندىسىن ق ر دەنساۋلىق ساقتاۋ مينيسترلىگىنىڭ ساليدات قايىربەكوۆا اتىنداعى ۇعدسدو قورىتىندىلادى، دەپ حابارلايدى aqshamnews.kz.
باعالاۋ كەزىندە 14 كلينيكالىق ينديكاتور، اككرەديتتەۋ تۋرالى مالىمەتتەر جانە نەگىزدەلگەن شاعىمدار سانى ەسكەرىلدى.
№2 بقكا جەتىستىكتەرى بالالارعا مامانداندىرىلعان مەديسينالىق كومەك كورسەتۋ سالاسىندا مەديسينالىق كومەك كورسەتۋدىڭ جوعارى دەڭگەيىن كورسەتەدى.
بۇگىنگى تاڭدا اۋرۋحانادا مامانداندىرىلعان بولىمشەلەر، ستاسيونارلىق كومەك كورسەتەتىن بەيىندەر كىرەتىن 285 توسەك اشىلعان. كلينيكا كوپبەيىندى بولىپ تابىلادى، وندا سوماتيكالىق جانە حيرۋرگيالىق بەيىندەگى بارلىق دەرلىك پەدياتريالىق باعىتتار شوعىرلانعان.
№2 بقكا-دا قالادا بالالار گەماتولوگياسى، بالالار ەندوكرينولوگياسى بويىنشا جالعىز بولىمشە، برونح-وكپە ديسپلازياسى بار بالالارمەن اينالىساتىن جالعىز بولىمشە جۇمىس ىستەيدى.
كوپبەيىندى كلينيكادا بۇگىندە 690 قىزمەتكەر، ونىڭ ىشىندە 137 دارىگەر جۇمىس ىستەيدى، ونىڭ 8ء-ى الماتى قالاسىنىڭ باس شتاتتان تىس بالالار ماماندارى بولىپ تابىلادى. كلينيكا قىزمەتكەرلەرى جاقىن جانە الىس شەتەلدەردىڭ جەتەكشى ەمدەۋ ورتالىقتارىندا ۇنەمى بىلىكتىلىگىن ارتتىرىپ وتىرادى.
الماتى قالاسىنىڭ № 2 بالالار قالالىق كلينيكالىق اۋرۋحاناسى ءبىرقاتار بەيىندەر بويىنشا ءىس جۇزىندە رەسپۋبليكالىق ءرول اتقارادى، ەمحاناعا قازاقستاننىڭ بارلىق وڭىرلەرىنەن كەلگەن پاسيەنتتەر بارادى. تاۋلىك سايىن شۇعىل تۇردە 300-گە جۋىق بالا ءارتۇرلى اۋرۋلارمەن، جاراقاتتارمەن جانە ءىشتىڭ اۋىرسىنۋىمەن قابىلداۋ بولمشەسىنە جۇگىنەدى. ءبىر جىلدىڭ ىشىندە قابىلداۋ بولىمشەسىنە 80 000-عا جۋىق پاسيەنت جۇگىنەدى، ولاردىڭ 14 000-عا جۋىعى ەمدەۋگە جاتقىزىلادى.
كلينيكادا نەيروحيرۋرگيا، تراۆماتولوگيا، حيرۋرگيا بويىنشا مەديسينالىق عىلىمنىڭ جاڭا جەتىستىكتەرىن، الەمدىك ستاندارتتارعا سايكەس كەلەتىن جوعارى دەڭگەيلى جابدىقتاردى قولدانا وتىرىپ، سوڭعى يننوۆاسيالىق تەحنولوگيالاردى ەنگىزە وتىرىپ، بىرەگەي وپەراسيالار جۇرگىزىلەدى.