ءىىم "زاڭ مەن ءتارتىپ" قاعيداتى بويىنشا جۇمىسىن جالعاستىرۋدا.
سوڭعى اپتادا قازاقستاننىڭ بىرنەشە قالالارى مەن وبلىستارىندا وپەراسيالار جۇرگىزىلدى، دەپ حابارلايدى aqshamnews.kz Polisia.kz-كە سىلتەمە جاساپ.
الماتىدا 26 جاستاعى ەر ادام كولىگىمەن 2،5 كگ مەفەدرون، 50 گرامم كوكاين جانە 30 گرامم "ەكستازي" ەسىرتكىسىن تاسىمالداۋ كەزىندە ۇستالدى. سونداي-اق ءبىر كەلىگە جۋىق مەفەدرون مەن 20 گرامم كوكايندى اۆتوكولىكپەن تاسىمالداعان ەكى ازامات ۇستالدى.
اباي وبلىسىندا 27 جاستاعى ەر ادام قۇرىقتالدى. ول تۇرمە اۋماعىنا سالماعى 2 كگ بولاتىن التى ورام گاشيش تاستاماق بولعان.
استانادا 27 جاستاعى ەر ادام 10 كەلىدەن استام گاشيش پەن 265 گرامم ماريحۋانا ساقتاعان. ول ەسىرتكىنى Telegram ارقىلى ساتىپ العان.
- ناتيجەسىندە ءبىر اپتا ىشىندە 29 ادام قاماۋعا الىندى. 110 كەلىدەن استام ەسىرتكى تاركىلەندى. ولاردىڭ ىشىندە 78 كەلىدەن استام سينتەتيكا، 9 كگ گاشيش، 22 كگ ماريحۋانا جانە 68 گرامم كوكاين. ىشكى ىستەر مينيسترلىگى ەسىرتكى قىلمىستارىن انىقتاۋ جانە جولىن كەسۋ بويىنشا بەلسەندى جۇمىستى جالعاستىرۋدا، - دەدى ءىىم ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى دانيار مەيىرحان.